فِراق

وجدي على اللي فاقده وجد من غاب ربعه وناسه وكل ابوهم حواليه

يغيب بعض احيان عقله مع احباب لامن ذكرهم بان حزنٍ مخفّيه

تسببوا بفراقهم بعض الاقراب وتباشروا بفراق غالي وغاليه

صح ابعدوهم لكن القلب ما تاب و لا زال يحفظ له غلاه وطواريه

حسبي عليهم فرقوهم بلا اسباب وعهد الهوى عيّو على الحي يوفيه

ما خافوا الله شتتو شمل الاصحاب ولا حسّبو لحساب ما البعد يجنيه

مرحوم يا قلبٍ من الحب قد شاب واصبح يهل الدمع من حر ما فيه