الــعــودة
الشاعر: نادية محمد · البحر: الرمل
«الــعــودة» من شعر نادية محمد، وتقع في 36 بيتًا. نُظمت على بحر الرمل، ورويّها حرف الراء.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
كانت .. — لما بتمشى فـ عز الضلمة
بتشوف خيالات ووشوش — لكن مش بتخاف
وف وسط طريقها — تلمح نور من ورا أسوار أفكارها
أيه سر الضى المنشور — من بين جدران الصمت ؟
وسر السور — الحاجز بينها وبين الوهم ؟
وبتفضل ماشية ف عز الضلمة — بتدور
لأ بتفتش ف خبايا حياتها — عن شئ محسوس
محبوس — جوة القلب المدفون
ف ضلوع حديدية — وتشوف جوة مراية النور
انها مش هيّ — وتلاقى الدمعة الشمعة
الحافرة طريق ع الخد — فى ليل مفتوح
الضيّ الخارج منها — كأنه حلاوة روح
فبتفضل تمشى شوية شوية — وتلمح ع البعد هناك
النور الخافت مع حبة دوشة — وبتسأل ..
مين الواقفة ولبسة التوب الأحمر ؟ — مش شايفة كويس
وبتتحقق من وش البنوتة — تلاقيها عروسة
وطرحة جوة كفوفها الحنة — أصوات مزيكا وعالية
بس اللحن حزين — والكل بيبكى بصمت
ومش فرحان — زعلان على توب العُرس
عشان متبدل لونه — بقى لون الدم
النازف جوة عروقها — ودموعها
حفرة خط طويل — بتشرّب منه كل الناس حواليها
وتشوف البسمة المرسومة — جوة العين الجارحة
دمــــــار ... — تنهار جواها الفرحة
بتزيد الضلمة سواد — وتزيد رهبتها من النور
وغيام منشور ف دروبها — بيتوّه خطاويها
واديها ... — بالأحبال مربوطة
مشدودة ومغصوبة — تمشى طريق مرسوم
من أول ماضى فاكرها — ومش عايز ينساها
ولا قابل يوم تنساه — ولـ حاضر توّه معالمها
وتاهت أحلامها — بتدور على بكرة
المتدارى ورا جدران امبارح — بتحارب توصله
ولكن مش لقياه — فبترجع نفس طريق الخوف
لجل تشوف — ف الضلمة طريقها
كانت ... — لما بتمشى فى عز الضلمة
مش بتخاف
البحر والقافية
القصيدة على بحر الرمل. بحر رقيق حزين النَّفَس، يناسب الرثاء والشكوى ومواضع الرقّة.
تفعيلاته: فاعلاتن فاعلاتن فاعلاتن.
القافية: رويّها حرف الراء — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الحاجز: الحَاجِزُ : فا.-: الفاصل بين شيئيْن. -: الذي يمنع بعض الناس من بعض ويفصل بينهم بالحق / سباق الحواجز / الحاجز الكهربائي.
- المنشور: المَنْشُورُ : مفعـ.-: المَبْسُوطُ وَالطُّورِ وَكِتَابٍ مَسْطُورٍ فِي رَقٍّ مَنْشُورٍ.-: المُنْتَشِرُ؛ رَجُلٌ مَنْشُورُ السِّيرَةِ.-: بَيَانٌ بِأمرٍ من الأمور يُذَاعُ بَيْن الناس لِيَعْلمُوه؛ أصدرتِ الوزارة مَنْشُوراً لبي …
- بتدور: تَدَوَّرَ يَتَدَوَّرُ تَدَوُّراً :- الشيء: أصبح مستديراً؛ يتدوَّر القمر في منتصف الشهر.
- بتشوف: تَشَوَّفَ يَتَشَوَّفُ تَشَوُّفاً : - إلى الأَمرِ: تطلّع إليه؛ تَشَوَّفَ إلى رؤية المسرحية. - من المرتفع: أَشرف ونظر. - الشيءُ: ارتفع.