البــارحــه يــوم ارتِــفـاع المـيـازيـن

البــارحــه يــوم ارتِــفـاع المـيـازيـن — إذْكِــرْت مــن لونَه تِـشـعْـشَـع بـالأنـوار

يَــليــن بـان الصـبـح مـا غَـضّـت العـيـن — كَــنّـي عـلى جَـمـر المـيـاهـيـل مـن نـار

يـــا ونِّتـــي وَنّــة ربــوعٍ مــعَــطــشــيــن — فِــيْ مــوضــعٍ خــالي بــعــيـدٍ عـن الدَار

وَنّـــاتْ مَـــطــعــونٍ ورَبْــعــه مــجَــفّــيــن — وَأهْــل الطــلايِـب لاحـجـيـن ولهـم ثـار

فِــيْ شَــف مِــنْ لونَه مِــثـلْ شَـمـسٍ تـبِـيـن — عَــنْ ثَــر سـواد الليـل وتْـوَضّـح إنـهـار

حــلمـتـهـم وأصـبَـحـت أنـا خـالي يـديـن — الطــيــف قَــرّبْهِــم ثَــر الطــيــف عَـيّـار

يـا غـارة الله كـيـف أضيِّع وأنا ذهين — وأنـا مـسـانـي في الهوى سنين وامرار

شِـرعـي اغـمـرَن لي و شِرع غيري مولمين — خـــايَـــرْت والخــايــور لي زاد ســمّــار

يـا نَـفـسْ كَـمّ أنْـصَـحـك بـاطِـن و تَـعصين — وأقــول شــيــلي عَــنْ هــواهـم بـمِـقـدار

خــايــف عــلى كِـثـر المـحـبـه تـذوبـيـن — ذوب الصّــفــر لي ذاب فــي كــورْ صـفّـار

مـن هَـيـرهـم آنِـس عـلى القـلب يـرْحـيـن — وش حــيــلتــي فِــيْ مِـنْ مَـحـلّه إلى سـار

يِــتــلامِــعَــن له بــيـن خَـدّيـه بَـرقـيـن — خَــشــمٍ وهَــامــه يــدعِــن القــلب كـسّـار

ســبــحـان مِـنْ سَـوَّاه مِـنْ صَـفْـوَة الطـيـن — الزيــن لي بــه حــايـرَه كِـلّ الابـصـار

جِـــرتَه بـــرَبٍّ نَـــزّل حـــروف يـــاســـيــن — عــن حــاســدٍ يَــســعــي له بـشـيـن غـدّار

أذْكـــر عـــهــودٍ ســالفــاتٍ وايــامــيــن — وأنــا عــليــهِــن مــا تــغَــيّــرت صَـبّـار

يــا ليــت لي فــي كــل يَـنـبٍ جـنـاحـيـن — أوصَـــل جـــداهـــم مـــدّة أســبــوع زوّار

نــاجِــل مَــرضْ مِـنْ هَـيـرهـم فـوق هَـمّـيـن — مَ اقدَر أقوم و لا ارفَع الصوت مِحتار

صـمّ الحـجـر لونـا له انـحـيـت بـيـليـن — والطّــيـر لو يِـسـمَـع مـقـالي فـلا طـار

إن كــان هــم لي بــالتّــعَـذّيـب راضـيـن — فَــوّضــت أمـري لمـن عـلى العـرش سَـتّـار

وإن كــان هــم لي بـالمـخـوّات صـافـيـن — أنـا لهـم أصـفـى مِـنْ المـاء عَن اكدار

مـا لي مـعـيـن أولا مـن يـقـول مِـسكين — هـــذا بِـــلِي بِـــفـــراق خِــلانٍ أخــيــار

عــايِـف لذيـذ النـوم والقـوت يـا زيـن — وأرجــو العــفــو مِـنْ خَـالِجٍ جَـنّه ونـار

عِــزّي لمِــنْ يـمـشـي و قَـلْبـه جـسـيـمـيـن — فِـيْ شَـف مِـنْ مـا له مـثـيلٍ فِيْ الامصار

يـــالمــطــلعــي ودّي جِــداهـم سـلامـيـن — مَــكــتــوب فـي سـجِـل مـعَـرّب بـالاسـطـار

واتـخَـبّـري عَـنْ حـال غـالي المـثـامـيـن — لي م الذّهَــب يِـسـوى ثـلاثـيـن قِـنْـطَـار

حــلو المــحـيّـا بـونْهـودٍ كـمـا التـيـن — غــضّ الصــبــا مِــنْ ربــى ســدوده غــزار

قَــلبــي مــوَلّع فِــيْ هـواهـم مِـنْ سـنـيـن — واطـفـيـه لي هـاج بـمَـنـاظـيـم لاشـعار

تــمّــت وصـلى الله عـلى مِـظـهِـرِ الديـن — مْـــحَـــمّــد الهــادي مــعــادي الكــفــار