الوصايا

يالله ياالمعبـــــود وال التدابيــــــــــر — يا عالـــمً كل الخوافـــــــي والاسرار

تجعــــل لنا من باب نصرك تباشير — ترسل لنا من فيــــــض غيثك بمدرار

باسمك بديت القاف هجس التعابير — من ضامر(ن) قامـــت توميه الاشعار

هذي وصــــايا جبتهــــــا بالتفاسير — فيها العقـــول النيـره غصــب تحتار

يا محمـــد اسمعهــــا بوزنً وتبصير — خلك على الهقــوه ولو صار ما صار

قبلك بهالدنيــــــــا طويت المشــــاوير — وشفت العجايب والمحن شفت الاقدار

قامت تقلبني كمــــــــا ســــــالم الزير — في مهمهيـــــــات الموارد والاصــــدار

اعرف ترا الدنيا حــــــــلاها النواوير — لا صــــــــــــــارت الخدان نوارها سار

ويقفي بهــا صيف(ن) لواهيبه تغير — ويبقي هميد العشـــــب للعث والفار

لا صــــــار ما يمناك تغـرف من البير — اعرف ترا شربــــــــك من النـاس قتار

واعــرف ترا الدنيـــــا سرار ومجاهير — ومن بـــاح سده انفضــح سر وجهار

اولى الوصـــايا لــك ياذيب المعاشير — خمس الفروض افطن ترا الوقت غدار

حافــــــــــــظ عليـها يسر ولا معاسير — تنجيك بالاخـــــرى تفكــــــك من النار

وباقي الفروض احرص عليها بتدبير — بالك تخلــــــــــــــي ركن منهن وتحتار

الثانيه تقوى الولــــــــــي به مياسير — خلك تقــــــي حصن لنفسك عن العار

والثالثه اولاد عمـــــــــــــــــك منـــاعير — هم عزوتــــــــــــــــك لادار بالوقت دوار

والرابعه جــــــــــــــارك تخصه بتعبير — واحرص عليه اعرف ترا الجار لو جار

والخامسه ضيفـــــــــــك معزه وتقدير — اخفض له النفـــــــــس القويه بمقدار

بيتك فعلــــــــــــه لانصوك الخطاطير — السادسه بالنـــــــــــــايفه منزل الدار

والسابعه نفسك هــــــــــواها معاثير — لا تتبعه حذرا هــــــــوى النفس غدار

والثامنه جيبـــــــــــك يعزك عن الغير — لا صار لك مالـــــك ترا ما انت محتار

والتاسعه فالعـــــــــــذر ماهو بتبرير — وقـــــت المـــــــــــلازم لا تكثر بالاعذار

والعاشره لاتبدي الشــــــــور وتشير — الا على رجــــــــل عنى فابد الاشوار

وبنت الردي لا تاخذه بـــــــه معايير — حصن نسبك ابعد عن العيب والعار

ثاني عشرها خذ صديقــــــك فنانير — لا لا تصاحب عـــاق شف لك ولد بار

ترا الصداقه تجلـــــب الشر والخير — اختر صديقك واترك النـاس الاشرار

صلاة ربي عد ما ســـــــــــار ويطير — واعداد هـــــب النود وعداد الاشجار

على النبي اللي يســـوق التباشير — واعداد ماهلـــت هماليــــــل الامطار