الوصية
اضغط على أي بيت لعرض معانيه وشرحه
يالضلوع اللي على قلبي تواماريحيني ماحصل مني خطيه
الخطا والله في حق النشاماالرجال أهل الشدايد والحميه
الخوي منهم يضيق ولا ينامالين يدري وش بلا ضيقة خويه
تقعد الدنيا وتقوم ولا يضاماواحدٍ منهم وشمس الكون حيه
مثلهم يشري عزيزين المقامامثلهم يفدى لو العمر الفديه
والا ذاك ان شاع ذكره وان تساماوالله اني خابره راعي رديه
ذاك ياما شلت زلاته وياماقلت: عادي حتى لو يخطي عليه
صاحب وحقه على مثلي الاماضاقت ايدينه فزعت له بيديه
كانت جروحي من طعونه تداماوكنت أحمل نفسي حمولٍ قويه
لين شفت العمر قدامه ترامىوصد عني مانشدني ويش فيه؟
يحسبني باتجاهل واتعامامادرى اني حافظٍ ذيك الوصيه
يوم ابوي يقول والعالم نياماساعةٍ فيها المواجع سرمديه
ياعيالي حتى لو صرتوا يتاماالمعزه تورث النفس الغنيه
يالله اجعل منزله برد وسلاماواجعله في عدن يارب البريه
يوم راح وهرجته فيّه تنامايوم مات وذمته كانت بريّه
عن القصيدة
«الوصية» من شعر فهد المساعد، وتقع في ١٥ بيتًا. وهي بالعامية، ورويّها حرف الياء، وغرضها العتاب.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.