موعد غيابك
الشاعر: عبدالله محمد العصيمي
«موعد غيابك» من شعر عبدالله محمد العصيمي، وتقع في 13 بيتًا. ورويّها حرف النون.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
تعبت آدورك فيني عجزت وليه انا ماالقاك!! — غريبه كيف ماشوفك مادامك بيني وبيني
هنا كان اللقاء أعظم هنا كان الوفاء.. وهناك.. — ..مجرد حلم في غفوه يضيّع كامل سنيني
سكنتي في خفوق اللي عن عيون البشر غطّاك — تأمرتي على كلّي ياكلّي مع عناويني
كذا كنتي قبل ماانتي تردين الورود اشواك — وانا اللي كنت في غفله واقول انك تحبيني
تغيبي وانتظر وصلك واقول الوصل لو خلاك — رغم كل الظروف اللي تردك ماترديني
تحريتك على موعد غيابك والزمن قسّاك — حضر جرحي من غيابك ولاغيرك يداويني!
كذا كنا ولاكنا .. يميني خالفت يمناك — بعد ماكانت ايدينك طوال الوقت بيديني
زفر صدري من اسبابك تحملت العنا لرضاك — ابيك تحسي لو مره ولاكنك هجرتيني
ورى لمع السراب اركض تخيلته عذوبة ماك — احث بخطوتي واشهق واطيح بكل مافيني
واقاوم كل ماجاني واحاول واجتهد واضماك — مابين الشوك والرمضاء عظيم الشوق داعيني
صرخت وسالت الدمعه وانا مااقدر على فرقاك — ابي اقرب من حدوك مادام البعد طاويني
انا مدري وش اللي بي رغم هذا عجزت انساك — غصب عني مادام انك من الآخر ملكتيني
واذا غبتي عن عيوني بعيش العمر في ذكراك — اعيش بحسرتي وآموت إذا ماشافتك عيني
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- تغيبي: تَغَيَّبَ يَتَغَيَّبُ تَغَيُّباً : غاب، أي لم يحضر؛ تَغيَّب عن حضور الاجتماع/ تَغَيَّب اسمُه عن ذهني.-: بعُد أو توارى؛ لم يُحسِنوا تقدير الفنان إلّا بعد أنْ تغيبَ في -التر اب.