غرور الشعر ..
الشاعر: وليد الحسن
«غرور الشعر ..» من شعر وليد الحسن، وتقع في 48 بيتًا. ورويّها حرف الميم.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
جيت أرتب هالمشاعر / ضيء/ وأمطار / وقصيد — وأكتب إحساس القلوب / الطاهره عشب وغمـام
وأتنازل عن غرور الشعر / وأكتب من / جديـد — عن شعوري ..كيف كنت / وكانت أيـام الغـرام
يومها الدنيا ملاهـي / عشتهـا طفـلٍ / عنيـد — ان بكى قامت حروب / وان ضحك / شاع السلام
عايش أيام المحبه ( عابس ) وقلبـي .. سعيـد — تايهٍ دربي .. وادلّه / لـو غفـى جنـح الظـلام
ما أقول أني تعبت / لو هـو منزالـي .. بعيـد — أوصل أوصل .. يعني أوصل ما على هـذا كـلام
من طعن ظهري شكرته / وأطلبه هل من / مزيد — دام يرضى ما ألومه / طعنة الصاحـب / وسـام
ما أشيل بوسط صدري .. حقد / سفّـاحٍ / بليـد — لا تشيل الحقـد.. جمـره / يابنـي أدم / حـرام
هي كذا جتني حياتي / تجربـة فكـرٍ .. سديـد — مو غرور ..أستغفـر الله لـو تعديـت المقـام
شفت أنا أبٍ رماه / الابن فـي الشـارع شريـد — لأجل ترضى زوجة النكران من خلـف / اللثـام
ومن حضنته مات راضي فوق صدري إيد .. بإيد — كان أكبر من معاني الصبر فـي دنيـا الرخـام
وأم تبحث في وجيه الناس / منحـورة .. وريـد — أربع أكبادٍ رموهـا / تحـت أنقـاض / الركـام
وظلم جاهل / يغصب العذراء على عـوّدٍ مَريـد — لأجل يكسب مال أو تقدير .. يـا مـال الحَطـام
وناس راحتهم غريبه في خفاء العالـم / تصيـد — غِيبه ماتُسمن جيـاع / الفقـر بعيـون اليتـام
وطفل تتساقط سنينه / ملتحف عمـره .. جريـد — مات يُتم من التجاهـل / مـن تولـوه العمـام
طُهر أنثى يسلبونه .. باأبـرد أعصـاب الحديـد — البشر صارت ذياب .. وطيش / مافيـه إهتمـام
قلت أبعد عن وجيه الناس .. وأكسب لـو (...) — صعبه أخسرني بعد هالعمر.. ومن حولـي نيـام
رغم أحساسي الكبير / بواقـع العصـر الجديـد — لايزال النبـض نبـض / والأمـل بالبـال حـام
باقي في الدنيا قلوب / وناس مـا تعـرف تكيـد — تنبعث داخـل حـدود النفـس ترنيمـه / هيـام
لى متى نفس المأسي / نبتـدي فيهـا .. ونعيـد — لى متى والموت حق / وقت تسديـد .. السهـام
وأنت صبرك لا تلوم القلـب ياقلبـي .. الوحيـد — كبوة الفارس شهاده بعرفكـم يـا ابـن الكـرام
كنت أنا ارفض جمود الوقت فـي دنيـا الجليـد — كنت أشوم النفـس وأعتقهـا اذا طـار الحمـام
كنت أداري نبض قلبي.. وأحرسهلك / كـل عيـد — لأجل يمكن يوم ترجع تلقى / حلمـك بـك ينـام
ومرت سنين انتظاري والأمـل فينـي .. عنيـد — وكان لازم عنك أسلى .. وأمشي خطوه للامـام
كم قسى هالوقت لكن / كنت أنا اقسى الحصيـد — لين جف البير عن ارضـي وجافانـي / الغمـام
قلت أدفن داخلـي / أنسـان بالواقـع .. زهيـد — وارحل ابحث في معاني الصبر وأطرافـي صيـام
ما أجامل لو خسرت / فالهوى راس .. العضيـد — كيف أجامل والحقيقه / حدها المرهـف حسـام
رحت أعيش بلا مشاعر / وأدعي بأني .. شديـد — وأجلد بذات المشاعـر / علهـا فينـي .. تنـام
واتبرى من خيال الوهم / وأكسـر كـل .. قيـد — رحت أكتم كل شعوري / وأشتعل فينـي العتـام
لين شب الكون ضوء / وشعشعت للشمس .. بيد — وانتعش فيني أمل / لقيـاك مـن بيـن الزحـام
كم فقدتك اه والله كنـت أشوفـك مـن .. بعيـد — كنت اهرب لك ..ومنك / أبتعـد شـوق و هيـام
ورحت تنبت في ضلوعي / وداخلي حجمك يزيـد — لين صار العمر يمشي لـك / وأشواقـك زمـام
قلت أرتب لك حياتي / وأبتدي لـك مـن جديـد — وأشعل شموع المحبه وأرسـم اللقيـا .. وئـام
وقت / وأرجع يـا حبيبـي / مثـل أول أو أزيـد — ماحصل يا كود خلى داخل / أحشائـي .. عظـام
وهذا انا جيتـك يـا قلبـي بعـد هالغيبـه (...) — بكل سجده من جبينه / فكـل معنـى.. للعصـام
وجيت أرتب هالمشاعر / والله من فوقي شهيـد — وأكتبك ياأجمل معاني العمـر وأقريـك السـلام
أدري تعبان بغيابي / وكـان قربـي لـك بعيـد — كلنا أنسان / والأنسـان .. غلطاتـه .. جسـام
بافرش ضلوعي سعاده / لك وأحساسي .. نضيد — والغلا دلـه هوانـا / مـن فناجيـل .. الغـرام
لين تشرق شمسك الثكلى على أطراف ..الجليـد — وترجع أجمل من جمالك يا قمـر بـدر التمـام
وتنسى تاريخ الجروح / وهمها يصبح .. وئيـد — وتنقلب كلها سعاده / حـب للشـوق .. ومـرام
ولا وصلت لامنياتك .. حتى أنا باوصـل ..أكيـد — دام أكبر أمنياتـي تحيـى ياعمـري .. بسـلام
كم مضت أيام أسهر / أنتظر ساعـي .. البريـد — من ورى جال التلاقي ناصب أشواقـي .. خيـام
هذا انا جيتك شعور / صدق مـا عنـه .. أحيـد — وأنت تدري بـأن فعلـي / فـوق ترديد..الكـلام
بقربك وبعدك حبيبي / يا عسـى عمـرك مديـد — ويا عسى دربك سعاده ما يخالطهـا .. عسـام
دامك أغلى من خلق ربي / وعلاك ... الحميـد — في حنايا الصدر / متربـع .. وقلـبٍ مستهـام
بأرجع اكتب هالمشاعر/ ضيء/ وأمطار/ وقصيد — وأكتب إحساس القلوب / الطاهره عشب وغمـام
وأتنازل عن غرور الشعر / وأكتب من / جديـد — عن شعوري ..كيف كنت / وكانت أيـام الغـرام
يومها الدنيا ملاهـي / عشتهـا طفـلٍ / عنيـد — ان زعل قامت حروب / وان ضحك / شاع السلام
عايش أيام المحبه ( عابس ) وقلبـي .. سعيـد — تايهٍ دربي .. وادلّه / لـو غفـى جنـح الظـلام
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الطاهره: الطَّاهِرُ : فا.-: النقيُّ؛ إنه طاهرُ الثَّوب/ طاهرُ العِرض أو طاهر الذَّيْل، أي بريْءُ من العيوب، نزيه وشريف ج أطْهَارٌ وطَهَارَى (على غير قياس).- من الماء: الصالح للتطهُّر به.- من النِّساء: الخاليةُ من الحَيْض ويقال له …
- تايه: تأي: ابْنُ الأَعرابي: تَأَى، بِوَزْنِ تَعَى إِذَا سَبَقَ، يَتْأَى. قَالَ أَبو مَنْصُورٍ: هُوَ بِمَنْزِلَةٍ شَأَى يَشْأَى إِذَا سَبق، وَاللَّهُ أَعلم.
- جيت: جيت: جايَتَ الإِبل: قَالَ لَهَا: جَوْتِ جَوْتِ، وَهُوَ دُعاؤُه إِياها إِلى الْمَاءِ؛ قَالَ: جايَتَها فهاجَها جُواتُه هَكَذَا رَوَاهُ ابْنُ الأَعرابي؛ وَهَذَا يُبْطِلُهُ التَّصْرِيفَ، لأَن جايتها من الياء، وجَوْتِ جَوْتِ …
- شاع: الشَّاعُ [شيع]: الشّائِعُ؛ خَبرٌ شاعٌ.
- شعوري: الشُّعُورُ : مصـ. -: الإدراكُ بلا دَليل؛ عندي شعورٌ بأنَّ نتائج الامتحان ستكون ممتازة. -: الإحساس؛ يجب ألاّ يكون للشّعور بالإحباط سلطانٌ عليكَ. -: يُطلق في علم النّفس على العلم بما في النّفس أو بما في البيئة، وعلى ما يشت …
- طعن: طعن: طَعَنه بالرُّمْحِ يَطْعُنه ويَطْعَنُه طَعْناً، فَهُوَ مَطْعُون وطَعِينٌ، مِنْ قَوْمٍ طُعْنٍ: وخَزَه بحربة وَنَحْوِهَا، الْجَمْعُ عَنْ أَبي زَيْدٍ وَلَمْ يَقُلْ طَعْنى. والطَّعْنة: أَثر الطَّعْنِ؛ وَقَوْلُ الْهُذَلِي …