مـن عـاشـر الأيـام مـا نـال مـطـلوب

مـن عـاشـر الأيـام مـا نـال مـطـلوب — مـنـهـا ولو يـمـلك جـمـيـع النواحي

البــــد مـــن دورات الايـــام دالوب — بــالعــســر مـرة ومـرة بـالنـجـاحـي

بـاصـبر ولو انا بالصبر كنت مغلوب — لعــل صــبــري يــوم احــســن فـلاحـي

يـا ورق خـلي النـوح كـله بـاليـنوب — خـلي البـكـى يـا ورق لي والنياحي

تـبـكـي طـرب ولى أنـا بـكـاي مـكروب — مــن حــالة يــا ورق شــطـت نـيـاحـي

يـا مـن لقـلب أصـبـح اليـوم مـصـيوب — يـخـفـق كـمـا يـخـقـف رفـيـف لجـنـاح

قــلب بــراه الحــب وادعــاه مـسـلوب — ليـله نـهـاره فـي العنا والتراحي

وقـلب غـدا مـا بـيـن جـاذب ومـجـذوب — ولا يـسـتـعـيـش إلا بـماي الجراحي

بــه عــلة مــا فــداهــا كــي وطـبـوب — عــليــك يــانـور الوطـن والمـراحـي

يـا مـن زهـا حـسـنـه بـلا دل وذهـوب — زيــن الســجـايـا مـولع بـالمـزاحـي

نـابـي الروادف هـاضـم الكشح منهوب — كــالخــيــزرانـه لي تـثـنـى ومـاحـي

ومــعــزل له طــاوي الخــصــر مـسـلوب — وكـشـحـه هـضـيـم عنده يول الوشاحي

وعـيـن ابـهـا كـم ذابـت جسوم وقلوب — أصــدى وأرضــى وقــعــهـا مـن رمـاحـي

يــا مــا حــلا فــي مــضــمـره الثـوب — لي مـن ضـرب ردنـه هـبـوب الريـاحي

طــفــل عــلى حــيـاتـه العـز مـكـتـوب — لي مــن تـبـدى لي رمـيـت السـلاحـي

والقـــلب وان نـــادوا ليٌــلى يــلوب — وان مر ذكره في الملا قمت صياحي

مـا دام هـوا عن ناضر العين محجوب — شـخـصـه قـبالي في السما والصباحي

لك بـالحـشـا يـا زيـن وديـان وشعوب — لك بـيـنـهـن يـا زيـن مسرى ومراحي

أفـرح بـوعودك والوعود ما قضى نوب — شــــــراة لالٍ للورايــــــد لاحــــــي

يــاريــف روحــي يــابـعـد كـل مـحـبـوب — والله مــا اســمــع قــول اللواحــي

او لامـنـي مـن لامـني عنك ما اتوب — ما اتوب انا يا سيد من جا وراحي

يــعــل اللوايــت فـدوةٍ لك ولا هـوب — جـافـي وحـقـي مـنـك مـيـر السـمـاحي

ولاســنـا عـبـدٍ مـن العـالم مـسـحـوب — مــالي بـنـفـس الصـب كـلمـة مـزاحـي

يـاليـت يـسـعـى بـيـنٌـا اليوم مندوب — مـاثـوق مـا يـوم بـالأسـرار بـاحـي

حــتــى أبــيــن حـالتـي له بـمـكـتـوب — يـشـرف عـليـهـا سـيـد كـل المـلاحـي

يــا زيــن ريــع لي القــلب مــنـهـوب — ووصــلك لمـثـلي يـا عـشـري مـبـاحـي

يـا عـونة الله ذاب قلبي وانا لوب — مـا نـلت منه الا الشقا والتراحي

يـا مـولفٍ مـا بـيـن يـوسـف ويـعـقـوب — مـن عـقـب مـا هـو مـيـت مـنـه جـاحي

اتــلم شــمــل شــتــت الدهـر بـشـعـوب — وتــعـيـد سـجـات الطـرب وانـشـراحـي

مــنـي صـلاةً مـع سـلامـي عـلى الدوب — عـلى النـبـي خـير الهدى والصلاحي