أنا اتحجّمت فى النقطة
الشاعر: عبد الناصر حجازي · البحر: المتدارك
«أنا اتحجّمت فى النقطة» من شعر عبد الناصر حجازي، وتقع في 39 بيتًا. نُظمت على بحر المتدارك، ورويّها حرف الفاء.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
الدنيا سقعة ... — ولاّ أنا اللى ماشى عكس الاحساسات ؟
يمكن عشان أنا جلدى مات ... — من كتر نومى ع الحشف
ولا ّ الخلايا ف قلبى ماتت ع الصليب — ساعات باحس ان جناحاتى ..
عاجزة ترفع جتتى من الطين , — والاقى نفسى باتلاشى ,
وباتحجم فى نقطة , — وابدأ ارمى البوصلة واختار انى اتوه
مش شعر دا اللى بتسمعوه — دى دمعة من عقل الحكيم ..
اللى اكتشف جهله .. — فى أسهل مسالة
كل العواميد اللى شايلة حكمتى .. — أكل أساسها النمل وجيوش الجراد ,
والتوهة غطت عقلى بلحافها التقيل , — والعالم الواسع ..
بقى ف عينى ... كقرص الاسبرين — ما بقاش فى عرق الرؤية دم
والمسافة اترهّلت .. — بين مركبى والشط ,
والريح المعاكس فض لى غشاء الشراع — داخل مع النفس ف صراع
وشىء طبيعى ..ان انا .. — ياإما انا اللى هااتهزم
واحّرم احدف فى السما شهبى , — واشيل من ع الرفوف كتبى ,
واسلّم عقلى للسجان — أنا اتحجمت فى النقطة ,
وحتى النقطة مش لاقيالها لسه مكان — ونا آسف يا نفسى عشانى ..
ما لقيتشى .. لنفسى .. نفس غيرك , — واتوضعتى .. فى المساحات الغلط
آسف يا روح — ما لقيتش روح ترد روحك ,
وانسجنتى .. فى الزنازين البراح — آسف على لهجة كلامى ,
وارتباكات الحروف — بس اللى عاش نفس الظروف
هايحس ان المعنى أكبر .. — م القواميس البليدة
باكتب عن الحاجة الوحيدة .. — اللى انا مافهمتهاش
رغم اننا — بنبص فى وشوش بعض لكن عمرنا ..
ما شفنا بعض , — وكل واحد مننا ..
بيبص ع النص المعتم للقمر , — ويفسر الضلمة بمعانى مضلمة
يعنى الغبار — هو اللى باين فى الصور ,
والجهل ماسك دفة المركب , — وغارس فى الحشف
يوماتى باتعاطى الأسف — آسف باقولها للهوا اللى ما شمتّوش
لعمر عدى ماعشتهوش — آسف باقولها لنفسى قبل الشنق ..
بشوية ساعات — وخايف القى ان اللى مات ..
واحد برىء .. ما فهمتوش — ما تسألوش.... مانا زيكم
وهو ايه سرّ الأسف .. — غير ان بينى وبين وضوح المسألة ..
دخنة وغبار ؟ — غير انى مش لاقى ف هدومى الا البخار ؟
ما عرفتش انى ... — نقطة شاردة فى الفلا ..
غير لمّا بصيت فى المرايا لقيتنى بانفخ .. — فى التماثيل الخشب
ما قدرتش انى اوهب لها لحظة حياة , — ما قدرتش انى اوهب لها ..
الا الأسف — آسف يا عقلى المستباح
آسف يا روح — ما لقيتش روح ترد روحك ,
وانسجنتى .. — فى الزنازين البراح
البحر والقافية
القصيدة على بحر المتدارك. آخر البحور، استدركه الأخفش على الخليل، ويُعرف أيضًا بالمحدَث والخبَب.
تفعيلاته: فاعلن فاعلن فاعلن فاعلن.
القافية: رويّها حرف الفاء — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- اتوه: (أَتَوَ) الْهَمْزَةُ وَالتَّاءُ وَالْوَاوُ وَالْأَلِفُ وَالْيَاءُ يَدُلُّ عَلَى مَجِيءِ الشَّيْءِ وَإِصْحَابِهِ وَطَاعَتِهِ. الْأَتْوُ الِاسْتِقَامَةُ فِي السَّيْرِ، يُقَالُ: أَتَا الْبَعِيرُ يَأْتُو. قَالَ: تَوَكَّلْنَ …
- اكتشف: اكْتَشَفَ يَكْتشِفُ اكْتِشافاً :- تِ المرأةُ: بالغت في إِظهار محاسنها.- الشيءَ: كشف عنه لأوّل مرةٍ ؛ اكتشف كولومبس القارة الأميركية.- الأمْرَ: كشفه بشيء من الجهد؛ اكتشف العلماء القدرة الهائلة لانشطار ذرَّة اليورانيوم.
- الجراد: الجَرَادُ : حشرة مجنّحة تتحرّك بالقفز وأنِواعها كثيرة يَخْرُجُونَ مِنَ الأجْدَاثِ كَأَنَّهُمْ جَرَادٌ منْتَشِرٌ/ أُحلَّتْ لنا مَيْتَتَانِ الحوتُ والجرادُ / كالجرادِ لا يُبْقِي ولا يَذرُ ما أدري أيُّ الجراد عار أيْ أيٌّ ذ …
- الحشف: حشف: الحَشَفُ مِنَ التَّمْرِ: مَا لَمْ يُنْوِ، فَإِذَا يَبِس صَلُب وَفَسَدَ لَا طعْم لَهُ وَلَا لِحاء وَلَا حَلَاوَةَ. وَتَمْرٌ حَشِفٌ: كَثِيرُ الحَشَف عَلَى النِّسبة وَقَدْ أَحْشَفَتِ النخلةُ أَي صَارَ تَمْرُها حَشَفاً. …
- الصليب: الصَّلِيبُ : المتينُ القوي؛ إِنه رجلٌ صليبُ الإرادة. -: الخالص النَّسَب؛ إِنه عربيٌّ صليب. -: كلُّ ما كان على شكل خطّين متقاطعين من خشب أو معدنٍ أو غير ذلك. -: عودٌ يرفع عليه المصلوب. -: عند النصارى الخشبة التي يقولون إن …
- النمل: نمل: النَّمْلُ: مَعْرُوفٌ وَاحِدَتُهُ نَمْلَة ونَمُلَة، وَقَدْ قُرِئَ بِهِ فَعَلَّله الْفَارِسِيُّ بأَن أَصل نَمْلَة نَمُلَة، ثُمَّ وَقَعَ التَّخْفِيفُ وَغَلَبَ، وَقَوْلُهُ عَزَّ وَجَلَّ: قالَتْ نَمْلَةٌ يَا أَيُّهَا الن …