أمي الحزينة
الشاعر: عبد الناصر حجازي · البحر: المنسرح
«أمي الحزينة» من شعر عبد الناصر حجازي، وتقع في 32 بيتًا. نُظمت على بحر المنسرح.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
رافضة السّنادى هديتى — بتبصّ لى .. بطرف عين الانكسار
و تقوللى حــطـ ّالورد دا .. — على تربة اخواتك
و إزازة الريحة .. ياريت .. — تغسل بها الأشلاء
و قماشة الفستان تفصّـلها كفن — و لادى يا ابنى بتندفن و جاى تهادينى ؟
دبل في إيدى الورد — حسّيت بانكماش
و دموعى سالت عالقماش .. — و بوّشت تشجيرة الفستان
لملمت نفسى من الشتات — و سندت فوق كتف الهزيمة
و قلت باستحياء — أنا عايزك .. تسامحينى
الطلقة متحاشة ف مشاعرى — و الريح كسر لى البندقية
و الليل دفننى .. فى الهدوم — نفسى أعوم ..
لكن كلاب البحر بيبيعم شواطئى — وف متاهة خطوتى .. بيخرمسوا الفوانيس
وشنطة الأحزان .. على ضهرى اتملت كراريس — هربان من الأحاسيس ..
و جاى عشان اقدّم لك هدية حزن — يمكن يامّه انسّيكى
يا مّه .. أنا افديكى بآخر شفطة من عمرى — دموعك الديناميت بتتفجّر بها الأوجاع
إبنك جرىء يا مّه .. — ما اخافش م الضلمة و لا
عضّة كلاب الغيط — و عمرى ما وطّيت .. لغير إنى ..
أبوس إيدك — يا مّه افرحى بعيدك
دا لسّه محطة الأحزان .. — ها تستقبل كتير قطورات
سرب الجراد ..هاجم على غيطك — و ألف فاس بيصدّعوا حيطك
ونا على حصو الفلا حافى — شايل على كتافى ..عيال همّـك
و عساكر الأحزان بتحتل ابتسامتى — حاسس بإيد الأرض بتجرجر فى هامتى
لكن ضرورى .. تضحكى يا مّه — برغم مرارة المحنة ..
و ريشة مسخ بتشوّه ملامحنا — و إيد فاجرة ..
فى كل آدان تعرّيكى — حاسس أنا بيكى
دم الولاد .. لغمط غناويكى — موتهم على حجرك ميتّم لك مواويلك
و الدمع سايل .. م الفرات .. — على خدود .. نيلك
حاسس بقهرك . — بالخنجر المغروس فى ضهرك
م اللى اشترى بمهرك — إله طباشير
ونا فقير يا مّه — ما ملكش حق الطلقة و المدفع
ما ملكش غير تصريح .. — بدفن الحزن جوّايا
حملك تقيل يا مّه — لكن حبايبك كل دول جايّين ..
يشيلوا الحمل ويّايا
البحر والقافية
القصيدة على بحر المنسرح. بحر قليل الاستعمال، سُمّي منسرحًا لانسراحه أي سهولته على اللسان.
تفعيلاته: مستفعلن مفعولاتُ مستفعلن.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الانكسار: [ك س ر]. (مصدر اِنْكَسَرَ). 1."اِنْكِسارُ القَلْبِ": تَحَطُّمُهُ، فُتورُهُ. "اِنْقَلَبَ اعْتِدادُهُ بِقُوَّتِهِ وَخُيَلاَؤُهُ إلى اِنْكِسارٍ وَتَراخٍ وَخِذْلانٍ".(إسحق الحسيني). 2."اِنْكِسارُ شَوْكَةِ العَدُوِّ" : اِنْهِ …
- الشتات: الشَّتَاتُ : مصـ. ـ: التَّفرُّقُ؛ يخافُ المصلحُ على أُمّتِهِ الشَّتاتَ. ـ من الأمور: المتفرِّق؛ يحاولُ الطّالبُ جَمْعَ شَتاتِ أَفكاره/ جاء القومُ شَتاتَ شَتاتَ، أي مُتفرّقين.
- الفستان: الفُسْتَانُ : لباسٌ للنِّساءِ بمنزلةِ القِبَاءِ للرَّجل ج فَسَاتِينُ (معـ).
- باستحياء: اسْتَحْيا يَسْتَحْيِي اسْتَحْي اسْتَحْياءَ [حيي]:- ـه ومنه: خجل منه إِنَّ ذَلِكُمْ كانَ يُؤْذِي النَّبِيََّ فَيَسْتَحْيِيِ مِنْكُمْ واللهُ لا يَسْتَحْيِي مِنَ الحَق.- الأسيرَ: تركه حيًا ولم يقتله وإذْ نجَّيْناكُمْ مِنْ آ …
- بانكماش: الانْكِمَاشُ : مصــ. ــ: في الفلك، ضمورُ الجسم المتحرك في اتجاه حركته بنسبة تزداد بازدياد سرعته. ــ: في الاقتصاد، نقص المتداول من النقود الورقية؛ كان الانكماشُ نتيجة للأَزمة الاقتصادية. ــ: ميلُ الدخل القومي والأسعار إلى …