يا قمر ( قصيدة غير منتهية)
اضغط على أي بيت لعرض معانيه وشرحه
يا قمر سهران قبالىدانت جنب النجمه عالى
يا قمر زاد انشغالىحبك مش قادر أخبى
-----------------------يا قمر هلِّت بِدُورْنا
حبك انت اللى ف صدورنافين واخدنا وليه آسرنا
ولما تأمرنا نلبِّي-----------------------
يا قمر ياللى ف عنينامهما نِخْفِي يبان علينا
وحياة الليل القاسى فينايا قمر ما تزيد ف حبى
----------------------يا قمر حالك كحالى
ف السما بعيد وعالىيا قمر مالك ومالى
دانت حبك جوه قلبى---------------------
يا قمر ما تزيد حنينىدا هواك باين ف عينى
يا قمر بيزيد أنينىوانت دايماً مستخبى
----------------------والى لقاء مع تواتر القصيدة
يا قمر أيه اللى نابكليه جحيمك ليه عذابك
مانت عارف ليه تخبىانك انت كل حبى
----------------------يا قمر عمرى ما هنسى
دانت جوه القلب لسهكل ضحكه وكل همسه
ليها ذكرى ويا قلبى-----------------------
يا قمر مشغول ليه عنىقلبى عايش بالتمنى
ليه عليك دايما شاغلنىدانت قلبى وانت حبى
----------------------يا قمر حرام عليك
قول لى أيه عملت فيكيا ما شِلْت ف قلبى ليك
كتير أمرت وكنت ألبى------------------------
يا قمر مانت اللى باعددحنا ليك معصم وساعد
وقلبك انت عليا جامدلو تحب ليه تخبى
------------------------يا قمر ما تغيب علينا
كل لحظه دموع عنيناتبكى لجل قمرها غايب
يا حبيبى ونار ف قلبى------------------------
يا قمر فين انت قول لىليه تغيب عنى تمللى
مانت عارف ان بُعْدَكيزيد أنينى يزيد ف كربى
------------------------يا قمر عنك هغيب
يا حبيب . أغلى حبيبسهم ظلمك راح يصيب
يا قاتلنى أيه مخبِّي------------------------
يا قمر ساكن بعيدكل لحظه الشوق يزيد
وانت ساكن ف الوريدليه عذابك ليه يا قلبى
------------------------يا قمر حظك قَلِيْلْ
حتى شوف طالع ف ليلواللى دارى بيك قليل
والغيوم تحجب ضياك---------------------
يا قمر نور ف ليلهمهم ليك خليك دليلهم
وان فاتوك دايما تجيلهمواوعى مره تفوت هواك
---------------------يا قمر وحدك غريب
يا حبيب أحلى حبيبدحنا ليك قسمه ونصيب
ومنانا ننول رضاك---------------------
يا قمر هسهر لوحدىكل أحزانى ووجدى
مهما تبعد برضو عندىيا ملاك أحلى ملاك
------------------يا قمر وقدرت تهجر
كل ليله ف حبك اسهروعن هوايا مهما اعبر
ماقدر اوصف يوم هواك--------------------
يا قمر قلبى واجعنىوالفضا كون مش سايعنى
والا عشان حبى دا يعنىتختفى جوا ف سماك
--------------------ياقمر ف قلوبنا علّم
لو تغيب الكون يضلّميا قمر ابعد واظلم
يا واخدنى بعيد هواك--------------------
يا قمر مالك حزينليه بتفرح كل حين
انت شاغل قلب مينولا شاغل مين معاك
-------------------يا قمر صابك خسوف
وف بعادك صابنا خوفليك حنينك يا الأليف
والسهر يحلى بلقاك--------------------
يا قمر دا الصبر قاسىياللى حبى تملى ناسى
دانت أهلى وكل ناسىيا ظالمنى كتير معاك
--------------------يا قمر أرجوك هاودنى
لو حبيبك قوم ساعدنىدا لهواك الشوق واخدنى
وقلبى ساكن فوق هناك--------------------
يا قمر مكتوب علينانهجرك وتفيض عنينا
واالقلوب والله حزينهيا قمر ههجر فضاك
--------------------
عن القصيدة
«يا قمر ( قصيدة غير منتهية)» من شعر محمد أبو يوسف، وتقع في ٦٦ بيتًا. وهي بالعامية، ورويّها حرف النون.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.