نرجسية

اضغط على أي بيت لعرض معانيه وشرحه

لوسالتك رد ليش الفـــــــرق شاسعبين مفــــــهوم المحــــــبة والأذية

ليش سعرالماس عندالناس رافعْوانت عندك نازل أســــعاره شوية

ليش قلي ليش قلـــــــــبك مايلامعْليش روحك غاطسة في النرجسية

ليش حطيت الحـــــواجز والموانعْبيننا تعـــــــــــــــبتني سيره وجيه

طاح منك نجــــم وانهارت صوامعْمن أحاسيـــــسك وصارت جاهلية

تذبح الســــلوى بلا سياف اللوامعْوالهوى تســــقيه من كاس المنية

يا شغف مجنون ماعنده مراجعْخيمت فيه النوايا المفــــــــــترية

لي معك قصة وللقـــــــصة وقايعْلك بطولتها ونا فيـــــــها الضحية

شفتها من شاشة أحلامك مقاطعْطولها عامين والثـــــــــالث بقية

شوف أنا أحبك ولو قلبك مخادعْوأنت فيني بس مجهول الهوية

تلبس أوهامك وتخلعها مواجعْبعدما تخلص فصول المسرحية

لو سألتك رد يكفـــــــيني فجايعْمستحيلك قهر والا عنجهية ؟

آه منك آه شردت الشـــــــوارعْفي متاهات الخطوط الهندسية

والحكاية جاوزت حد المطامعْللأسف صارت حكاية منتهية

أنت واحد بس كم عندك براقعْكم عيونك والوجيه المختفية

فعلك الماضي حسب فهمك مضارعْليش ما تعقل وتفهــــمها كذية

يا وليف الغدر دوخت المدامعْغير أطباعك وبحبحها شوية

جوهر الإنسان في معناك ضايعْوالحلا كله محـــــــاسن جوهرية

لا تراوغ شوف بصمات الأصابعْتكشفك يا ضد خــــسران القضية

ماتحيرني ونا ساجــــــــد وراكعْخاضع(ن) لله وافكاري نقــــــية

ماتعذبني ونا بالصـــــــــبر قانعْماني بطامع برتبة عســــــكرية

وش تبي مني أنا ماني براجعْروح واتركني أنا جالس هنية

روح وأن لاقيت لدروبك مسامعْقلها غابت شمــــوس الشاعرية

عن القصيدة

«نرجسية» من شعر إبراهيم يحيى الديلمي، وتقع في ٢٣ بيتًا. وهي بالعامية.

التعليقات(٠)

سجّل الدخول لإضافة تعليق.