شطحات مجدوبية

المجذوب لي نعرف عايش فخيال الرجالة — قيم واخلاق ماشي بوهالي لابس دربالة

فكر وحكم وامثال عند المجذوب فكل مسالة — هذ المجدوب غاب وخلى لينا وصاية

نفضحو لكذوب ونكونو حنا لمرايـــا — بغيت نسجل حروفي فديوان التاريخ

انما شمن تاريخ لي نسجل فيه حـروفي — شي يقــولي باغي تـوصـل للــمريــــخ

وا نا كلامي با قـي ما خـرج مــن جــوفـي — خفت ايلا ما دونت كلامي التاريخ يشــيخ

ونكون عشت فالدنيا باش نقور* مصروفي — درت عين عـلجاي وعالماضي

لو كان نكون علما ضي قــاضي — نعطي نص عمري ونقرا التاريخ فورقة

ونشوف لحرار واش حرار ولا زندقـــة — ولا غير منوضين هـند ريزة وهــند قــة

كنت ساهــي و ما عـا رف راسي ساهــي — و الساهــي شـرع مــا عــليه حــســــا ب

ناس ما فـيهــــوم لا ناهــــي ولا مـنـتاهي — والسطــل فــيهوم عــنـد و كل الناس قباب

مشــيت جـــوا ل بين ا لنــا س — ورجعـت وما كـمـلت الـــدورة

لقيت شي مردوم عليه السا س — شي ساكن حفرة شي مقصورة

شـــي بـــانــــي دا رو بالـــفا س — يا حافر قبر يا حافر مطمورة

هذي الدنيا لي مثلوا ليــا — سكندرية وترابها زعفران

بيـار مردومـة فـالبـاديـــة — حـنظـل مخـلوط بقـطران

انـسـان مشـات منو الانسانبة — ياكـل خوه بالنـياب والسنـان

انسان فشكل انسان — وأنا فيه حرت ودخت

خاوي تقولو مصران — مفتوج ملفوق وملتحت

شفت ناس تابعين الدنيا وهي جراية — كيف العزبة مهودة ريوق لولا د

شي لحقها و خلاتـــو بين الناس شفاية — شي خلا تــو دلو طالع هـــوا د

شي تــوسل بها شي دا رها غـــــايـــة — شي دا رتو مخزني على رزق لعباد

طلع حال الجدبة على شبيه الرجال — لي مدهي فالدنيا والد نيا عـما تــــــو

شبيهة الرجال وهو قصبة د لكـــبا ل — ها تو بن ها تو ماشي عليه ري مرا تو

كـتـبت سطــر وخـليت سطــر — يمكن نـولي نــكـتب بين السطــورا

قالت لي الحروف سكت أ و هدر — بنادم لي تعرف ولى مجـرد صورة

خططنا فلي كان ولي لازم يكون — ومصاب يا مصاب لوكان مشينا

ضعـنا فعا لم كل ما فيه مجنون — وتبعـنا قـومان متا ويين عــلينا

خطـينا خطــوا ت نـتاع فـكرون — وشفـنا را سنا فالمنطـلق بقـينـا

بقينا نقسمو المسافات كزينون — وقبل نمشيو لقينا روسنا عـيينا

السرقة ولات علم وفـــنون — ما تلاش اسمها ا لشفـــارة

ولات محـمية با لقـــانـــون — تبزنيس باللباقة والشطارة

ولي فـا لحـبس ا ش يكون — ما رضاش بالشفارة أو ما لعبش بشطارة

رجع المجــــذوب وقـــال — ايلا بغـــيتـــوها تتســـقــم

حـــيدو مــنها ا لشــفــارة — والشفـــا ر بــا ش يســلـم

جــيـبولـو يحا ســبو كــثـر مــنـو فالزكارة — زمان واحد سرقــولــو جــلابـــو

جـا هــو ســرق لشــي حــد ســلها م — قـا لــولـــو رد للــراجــل سلهـا مــو

قــا لـيـهــوم — عـنـد الله نـاخـد جـلا بـــي

ونـرد لمـول ا لسلهــام سلهـا مــو — ولي سرقــو لـو تخمــامـو شكــون يرد لــو تخــمـا مـو

التخـما م أيـلا يخـمـر — يوزنـوه بالحــيا وا للــومــة

وا يلا حـيد من بنا د م لوقــر — ا فــكا رو تولي خـيب من ا لثـومـــة

بغــــيت نــــتعـلم زمان ونـور افـكـاري — حسـو بيا انسـان دارو لي ثلا ثـة وضــامــة

لا ضــو لحـقــت معــاهــوم ولا صـــاري — وبـقـــــــا مخــي كــيــــف كــــان خـــامـــــة

تبعـــت نـــاس الدنـيــا ملي كان مخـي خـاســر — عــفـــــرو ومـــا دا وهــــا فــــيــــا

غـيــر صــلـحـت مخـي وبـد يـــت نـــفـــكـــر — تـبعــونــي و بــدا و يـجــريــو عـــلـيا

حب الأرض ماشي حب التربة والرمال — ماشي عشق لسهولها وجبالها

حب الأرض لي تربينا عليه وحنا عيال — حتى كبرنا و ولــــينا رجـــالهــا

هكذا تربيت على عشق بلادي — وخا ما حضرت حرثها ولا دراسها

وهكذا عــلمت حبها لــولا دي — ويلومو ولد حنى على يد مو وباسها

انا كلام وحـــروفي لوحا ت — من كل جهة تقراني

انا ا قلام وافكاري واحات — يسرح فيها القاصي والداني

وانا محسوب مازال فبلادي براني — طالت القصة مع طاروات الزبل

والزبالة سطل ورا سطل ورا سطل — ايلا ولات باب دارك زبالة

ما يفيدك اصاحبي غير تسكت او ترحل — لمنوي من الشوفة يتنوى

والمبروم علمبروم يتلوى — الكروى فروسنا عششات

ودارت التفرنيس فراشها — كنا نقولو تعلم اللغات

طار التفرنيس والكروى وبقا خشاشها — المسلمين لي عمروا الدنيا عمارة

ولاو اليوم يسبتو كليهود — ويحدو كي النصارى

العربان اليوم تحلس وتملس — شي تخلى دار بوه وشي يخلص

يعزاز العربي ايلا بغا يكون عزيز — ويعلا سوم قدرو ويولي يسوا

يقزاز العربي ايلا بغا يكون قزيز — ما يعلا قدرو ولو يعطي عليه ميات رشوة