تزعلين وتقعدين
اضغط على أي بيت لعرض معانيه وشرحه
عافت الشمس المدينة وأعلنت وقت الزوالرغبةٍ للنوم منها مع عيون الناعسين
أبعدت من يوم شافت بالسما ضيّ الهلالكنّها كانت تهزّا بالهلال وتستهين
كفكفت صبح التلاقي من ورا روس الجبالواستخارتني وراحت وابعدت عن كل عين
وانتي أخطيتي خطاها وانعزلتي بالوصالولا رحلتي من سكات ولا وعدتيني تجين
عشت عمري بالمحبة في سبيل الاحتمالوانتي تعيشين عمرك تفرحين وتجرحين
من غرورك في جمالك ما عطيتيني مجالوأدري إنك تفهميني لو بغيتي تفهمين
كيف أشوف الشمس تشرق بالسما وانت ظلال ؟ومن يعيش بوسط غارٍ للذياب الجايعين
كنت أحسب الكره زايل والجفا لو ( طال زال )ولا بديتي بالغرام ولا بقى فيني حنين
أشهد إنــــي مــــا خطيت ولا نويت الانعزالوما خدعتك في غرامي لين شفتك تخدعين
اصدقي بالوعد مرة لي ولو فيها ســــؤالمن عرفتك ما أذكر إنك توعدين وتصدقين
كنت أشوفك من عيونك تأمرين أقوى الرجالوالله إني قبل أعرفك ما هقيتك تخضعين
كنت أشوفك تبعدين وقلت من باب الدلالوإن بعدتي عن عيوني قلت باكر ترجعين
كنتي أكثر في عيوني من عدد وبل الخيالوين أنا ما الد وجهي كنت أشوفك تضحكين
وإن بغيت أصد عنك من ( يمين ومن شمال )ما قوت عيني تلفّت لا شمال ولا يمين
عاشقٍ والعشق بلوى وأشهد إن الحال حالولا تركتي رحمة الله ولا عرفتي ترحمين
وأدري إنك في غرامي للأسف نلتي منالافترقنا في دقايق والسبب لعنة لعين
حبك أشبه في غرامي ( بالوصال الانفصال )ويلعب الخفاق لعبة كبرياء الخاضعين
بالهوى ماهي غريبة نكبة عيال الحلالولاني أول من يصون ولا انتي آخر من يهين
الصداقة في عيون الناس منفى للعدالوكــــــان ردّت للصراحة كلبونا مذنبين
المحبة شبه زالـــــت والصداقة لاتــــــزالبس أببقى في عيونك ( حامد ) اللي تعرفين
علّميها يا قصيدة واضربي فيني مثالعرفيها بالبداوة فــــــي طبــــاع الأوليــــن
علّميها كيف نصنع صبرنا والاحتمالعلّميها كيف نفلح بالعمل دنيا وديــــن
علّميها فـــــي سوالف حلّنا والارتحــــالعلّميها كيف نظهر جورنا للجايرين
علّميها يــــا دقايق ، علّميها يـــــا ليالعلّميها يا عصور وعلّميها يــــا سنين
إن عشقنا ما بغينا غير عشقٍ بالحلالوإن نوينا مــــا لفينا كــــود نــــاس طيبين
كاملينٍ فـــــي عطانا بـــــس لله الكمالوالرجل فينا غرامه لو يعين ويستعين
ابـــــدويٍ مـــــا يقوده للردّى شـــــد الحباليعسف اليدّ الشحيحة للعطا حتى تلين
همنا فعل الرجولة رمزنا لبس العقالوانتي المكياج كله صار في وجهك سجين
عندك المكياج موضة تحسبين إنه جمالصار همك في حياتك تكشخين وتطلعين
والا أنا قلبي بقى لي بالمحبة راس مــــالوالله اللي مبتليني بالهوى والله يعين
إن بغيت أعشق أبالقى كثر حبّات الرماللكن انتي لو بغيتي صعب مثلي تعشقين
قلت لك كل الصراحة وأختم أطراف الجدالوإن زعلتي من كلامي تزعلين وتقعدين
عن القصيدة
«تزعلين وتقعدين» من شعر حامد زيد، وتقع في ٣٢ بيتًا. وهي بالعامية، ورويّها حرف النون، وغرضها الغزل.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.