وافرض

وافرض اني جيت اوصف في محاسن هالبنيه — إلا ذاك الشخص واقف قالوا هذا خالها

والله اني اطيح فشله في الدروب الملتويه — حينهاتلقى المصايب تنتثر من حالها

هذي فتنه ياهي فتنه ساقهاربي عليه — ياخي حتى الموت اشوفه لاوقفت قبالها

لوتشوف الجسم تحلف قلت هذي مغربيه — ون حكت ماتدري وش هوجدهامن هبالها

زينهاماهوب عادي لاحشاماشفت زيه — لويجي العالم بأسره مايفك احبالها

العيون احلى من اللي قالوا عنهانرجسيه — والكحل لوشفت لونه مايليق إلا لها

تذبح الخافق بنظره لك علي الله قويه — والله ان الموت كله كحلها وظلالها

والشفايف لعن ابوهالون توت ومرتويه — ياسعد من هولمسها وياسعد فنجالها

لامشت قلت الله الله ليتهاتبقى شويه — ون مضت قلت اذبحوني حقهاويحلى لها

بنت ناس وكل ابوهم مايحبون الخطيه — لعن ابواللي مايبيهاولعن ابوعذالها

آآآه من ريحةعطرهايخطف قلوب عصيه — حتى ابونوره بنفسه شافهاوغنى لها

رمشهامن زودحسنه له وضوح وقابليه — والخصرلاجيت عنده تعرف وش احوالها

كنت خالي ودوم سالي بس مدري شصارفيه! — انقلبت وطحت فجأه يوم ربي قالها

ياوجودي وجدمن هو طاح في حب اجنبيه — ضاع عمره يحتريهالانسى ولا نالها

ماملا عيني وقلبي غيرهذيك البنيه — بس ياكبر الملامه لوعرفني خالها