عطشان يا صبايا
الشاعر: بيـرم التـونسى · البحر: المجتث
«عطشان يا صبايا» من شعر بيـرم التـونسى، وتقع في 36 بيتًا. نُظمت على بحر المجتث، ورويّها حرف النون.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
عطشان يا صبايا — _عطشان يا مصريين
عطشان والنيل فى بلادكم — متعكر مليان طين
ولا نهر الرون يروينى — ولا مية نهر السين
شده وتزول يا معوض — سبحانه رب معين
دى تلات حكومات يا خوانا — ظلمونى واشكى لمين
زغروته يام سدحمد — _زغروته يام ياسين
راجع اتوضى واصلى — وازور سيدنا الحسين
وابوس ايد الشيخ بلبع — وايد الباشا التخين
واقول سلامات يا خليفة — ولشعبان طيبين
واتوب على سيدى لاظوغلى — عن كار الجرانين
واتجوز بنت الماشطه — والكوديه ام اسماعين
اياك يتعدل بختى — واخدم فى الدواوين
والبس لى سموكن مقصب — وابقى البيه التخين
غيرشى جعلوا التخشيبه — للغلبان الفطين
يخرج منها ويتسوح — من مرسيليا للصين
دا جازاة الخايب اللى — يعشق بنت التسعين
شايف من تحت البرقع — أهدابها مرعرعين
ماحسبش حنكها مطبق — وسنانها مهرتمين
والفم المحمودية — والراس دى راس التين
وتحب كمان وترافق — اهل الدنيا والدين
ولا تطرد بياع رنجه — ولا بياع الفلين
وولادها اسم الله عليهم — يتعدوا بالملايين
رجاله صنايعية — بايعين وشاريين
واحد تاجر طعميه — والتانى بتاع مصارين
واللى يبيع جوافه — واللى يبيع سردين
وواحد كمسارى افرنجى — قاعد فى وابور طحين
واتنين سارحين بكلونيا — وفانلات معتبرين
والحاج محمد برعى — له فابريكة كوانين
وأخوه له معمل طرشى__مشهور فى الكعكيين — والكل يزيد ويبارك
_قاعدين متصنعين — ما ينوب الواحد منهم
غير قفل الدكاكين — يا رازق جيش الازهر
اياك نستعين — يا برايز يام بلاد بره__يا مربيه لامرتين
بعتت لك ام الدنيا — شاعر فى الشعر متين
يعمل اشعار لبرابره — وصعايده وفلاحين
وتلامذة وأزهرية — _وخوجات ومفتشين
اياك ما يموتش عندك — فى أزيل المساكين
البحر والقافية
القصيدة على بحر المجتث. بحر قصير قليل الاستعمال، سُمّي مجتثًّا لاجتثاث أجزائه (اقتطاعها).
تفعيلاته: مستفعِ لن فاعلاتن.
القافية: رويّها حرف النون — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الباشا: البَاشَا : لقب تركي الأصل كان يطلق على كبار رجال الدولة؛ كان الباشوات يجمعون بين الثروة والسلطة ج باشوات (معـ).
- الرون: رون: الرُّونُ: الشِّدَّة، وَجَمْعُهَا رُوُون. والرُّونَة: الشِّدَّة. ابْنُ سِيدَهْ: رُونة الشَّيْءِ شِدَّته ومُعْظَمُه؛ وأَنشد ابْنُ بَرِّيٍّ: إِنْ يُسْرِ عَنْكَ اللهُ رُونَتَها، ... فعَظِيمُ كُلِّ مُصيبةٍ جَلَلُ وَكَشَف …
- السين: سين: السينُ: حَرْفُ هِجَاءٍ مِنْ حُرُوفِ الْمُعْجَمِ وَهُوَ حَرْفٌ مَهْمُوسٌ، يُذَكَّرُ وَيُؤَنَّثُ، هَذِهِ سِينٌ وَهَذَا سِينٌ، فَمَنْ أَنث فَعَلَى تَوَهُّمِ الْكَلِمَةِ، وَمَنْ ذَكَّرَ فَعَلَى تَوَهُّمِ الْحَرْفِ، وَال …
- بلادكم: جمع بَلَد. 1."بِلادٌ شاسِعَةٌ" : الْمَكانُ الواسِعُ مِنَ الأرْضِ. 2.: مَكانٌ مَحْدودٌ جُغْرافِيّاً تَسْتَوْطِنُهُ جَماعاتٌ مُعَيَّنَةٌ. 3."يا بِلادِي" : يا وَطَنِي.
- خوانا: خوا: خَوَتِ الدارُ: تَهَدَّمَتْ وسَقَطَتْ؛ وَمِنْهُ قَوْلُهُ تَعَالَى: فَتِلْكَ بُيُوتُهُمْ خاوِيَةً، أَي خَالِيَةً كَمَا قَالَ تَعَالَى: فَهِيَ خاوِيَةٌ عَلى عُرُوشِها؛ أَي خاليةٌ، وَقِيلَ: ساقِطةٌ عَلَى سُقُوفها. وخَوّ …