بليتْ وأسْبَابي مِنْ الوِدّ

اضغط على أي بيت لعرض معانيه وشرحه

بليتْ وأسْبَابي مِنْ الوِدّبهْمُومْ وِالدنيا تبا اسْبَابْ

قَلْبِي عليك يْحِنْ مِحْتَدّحِنين حَاشِي فَارَقْ رْكاب

عن وَصْلْ مَحْبوبِي فَلاَبِدّلو دون وَصْلَهْ سِتِرْ وْحْجَاب

لو سيف دونه مَاضي الْحَدّوِرْمَاحْ مَرْكوزَه على الباب

عَنْ نَدْمِتَهْ مَا يعيضني حَدّلَو مِنْ بَنَات الحُور بيَّاب

بو خَال بو خِلْخَالْ بو خَدّجلبابْ ومْوَشَّحــ بْجِلْبَاب

موتي مِنْ الحِقْرَانْ والصَّدّوأحَسَنْ حياتي شوف الاحْبَاب

حَقِّيــ عَلَى عَارِفْ و مِسْتَدْلكنّ مَا يْوَادِيني حْسَاب

وإنْ قلت للِعِذَّالْ مِرْتَدْقَالْ الدمِعْ يالخَضَرْ كذَّاب

يا عاذلي خِذْ دَرْبِك وْرِدّأنا بْصَلَيْ مَا اسْمَعْ لِكْ يْوَاب

لو بِكْ مثل ما بي بِتَنْشِدْلكنَّكْ الخَالِي مِ الانْشَاب

لو يوب لي دَخْتَرْ مِنْ «الهِنْدْ»شاطِرْ ومتْعَلِّمْ فِيْ لحساب

لو يجتهد بدواه و يِحْتَدّما فَادت غْرَاشِهْ وْالادْبَاب

قلبي بْطِلْمَاسِ مِنْ الوِدّما هُوبْ طِلْمَاسٍ مِنْ كْتَاب

واِنْ مِتْ كِتْبُوا فِيْ الشوَاهِدّهَذَا قَبِرْ عَاشِجْ ومِصْطَاب

عن القصيدة

هذه القصيدة من شعر راشد الخضر، من العصر الحديث، وتقع في ١٥ بيتًا. ورويّها حرف الباء.

التعليقات(٠)

سجّل الدخول لإضافة تعليق.