سواليف المزون

الا يا موج بحر الحب بين المدّ والجزرِي — لعب بّك ما لعب بالقلب يبعد عنه ويجيبه

قمر خمسة عشر يمشي على شاطيك في بحري — يسرّيني على ساحل بحور الحب واسريبه

الى آخر متاهه في حدودك وانت ما تدري — وانا ادري واااتجاهل والجهل يبدي خوافي به

قمر يبدى ليال الشهر لاخرها كما البدري — ( ليا اقبل لّي حروف الحب هلت قبل اهلّيبه )

حروف الحب تعلنها على وضح النقا شعري — بحر ينبع لها حبر وجبل صايد يغني به

جماله ما لقيته في بني جنسه مدى الدهري — جميل الوصف لو ابوصفه شعري يضاهيبه

جديله لانتثر خلفه شكى غطرسته الخصرِي — ظلام الليل يظلم لا تسلّط صبح مبري به

وْعيونه لالْتفتلي شق مرسول الغلا صدري — تهز القلب نظرة لابدت بالحب تصويبه

وْشفاته تلتمس من بعضها لا قال : يا عمري — ( أحبك ) .. والتمس قلبي تفلّت من مقاضيبه

تبرمج بالْتماسه بثّ حبٍّ بيننا حصري — قنواته ترددها ( سرور القلب تعذيبه )

وْعلى وزنة هدب عينه مشفّر رقمها السري — ليا ارسلّي رماح الشوق فكّتها مضاريبه

وْبدت بث الغرام العصر لين يمرها العصري — يمر الوقت مثل الرمش لا ثارت مطاليبه

سواليف المزون اللي على هتانها نسري — نعيش العمر في حبٍ لنا تصفي مشاريبه

الذّ مْن الشهد ريقه مغطّى بْنشوة الخمرِي — يغيب العقل من رشفه ومن رشفات يصحيبه

مرابعنا روابعنا ليا جعنا بها نشري — على قلبي خطر منها ليا منّه عوى ذيبه

ولا يا قلب من لامك على هالحب ينجبري — على حبٍ يورّيه المهالك ثمّ يرمي به

على نار الغرام اللي توّقد وسطها الجمري — تولّعها رياح الشوق لا هبّت ملاهيبه

ولا يا موج بحر الحب انا طالبك بالعذري — عذرتك وانت تعذرني على الحب وهناديبه