سلَّم عَلَىْ
الشاعر: حمدى شبانة · البحر: المتدارك · الغرض: قصيدة غزل
«سلَّم عَلَىْ» من شعر حمدى شبانة، وتقع في 67 بيتًا. نُظمت على بحر المتدارك، ورويّها حرف الباء، وغرضها قصيدة غزل.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
ياعينى عالقلب القاسى ... لمَّا حبيبى يكون ناسى
أشــــرب مرارُه من كاسى ... حبيبى
ســــافر بدون مايوَدَعْنــــى ... من الفراق قلبى واجِعنى
مابقاش شايفنى ولا سامعنى ... حبيبى
دا كان قايللى لا حسيبِك ... ولا أهجرك دانا حبيبِك
إنتى قدرى ونا نصيبـــــك ... حبيبى
سافر ورايح يتغرب ... يوم اللُقا إمتى يقرب
ياشمس عمرها ماتغرب ... حبيبى
ماأقدرش أنا أبعد عنكم ... عارفة بإنى واحد منكم
أبعِد وأرجع تانى بينكم ... حبيبى
سلِّم علىَّ ... وفرَّحنى ... وكلامُه حلو ويِشْرِحْنى
دايماً وجوده يريَّحنى ... حبيبى
قال الفُراق صعب ولَكِن ... أبداً ماتبعِدنا .. أماكن
وهواكى ف القلب ساكن ... حبيبى
قلت لُه .. إوعى ياطيرى ... قلبك يميِّــــل على غيرى
إنت طريقى ومَسيرى ... حبيبى
قاللى مسافر وراجِعْلِك ... ف القلب جوَّة أنا جاعْلِك
ماقدَرْش أبداً على زعَلِك ... حبيبى
قاللى حتِلْقِى مراسيلى ... واصلة لغاية مايجيلى
قَطَعْها بَلِّيت مناديلى ... حبيبى
سلَّم علىَّ وراح ماشى ... سافر حبيبى ومجاشى
فرَّح حسود ريَّح واشى ... حبيبى
ســــلَّم على ... وقال راجع ... أنا ياحبيبتى ... ما بخادع
مارجعشى .. زودنى مواجع ... حبيبى
سلم على ... بطرف العين ... فاتنى ماقالشى ... رايح فين
يامين يقوللى طريقه منين ... حبيبى
من غير سلام ولا حتى وداع ... سافر حبيبى وقلبى ضاع
هانت عليه العِشرة وباع ... حبيبى
سافر وفاتنى حبيب الروح ... وتَرَك هنا جلبى مجروح
خُدْ لُه سلام ياحمام الدوح ... حبيبى
سلَّم علىَّ وجاللى : يازيـــــن ... على الوطن أنا جلبى حزين
دى مصر غالية وجوَّة العين ... حبيبى
سلَّم على ....بعد فراق ... قاللى : تعبت من الأشواق
أصل البعاد مُر وحراق ... حبيبى
سلَّم علىَّ بطرف الإيد ... حبيبى حيسافر لبعيد
خايف يلاقى حب جديد ... حبيبى
سلَّم على وقاللى سلام ... وكان كلامُه أحلا كلام
( رايق ) ومايكفينى كلام ... حبيبى
سلَّم علىَّ.... وودعنى ... وفاتلى قلبى يوجعنى
دايماً حبيبى يلوَّعنى ... حبيبى
سلَّم علىَّ .... وراح لبعيد ... سافر خلاص بدون مواعيد
بخاف عليه من حب جديد ... حبيبـــــى
سلم على ... مقالشى كلام ... سدِّد بعينُه ف قلبى سهام
وعيونى أنا مش قادرة تنام ... حبيبى
سلم على ....... وقال فينك ... كانو خطوتين بينى وبينك
تعالَى تِسلملى .... عينــــك ... حبيبى
سلَّم سلام .... لَكِن بالعين ... بنظرة واحدة ... مِش إتنين
ماعْرَفش منه أروح على فين ... حبيبى .. لمَّا جابلنى
حبيبى ... سلم علىَّ سلام مُشتاج
وجال تعِبت من الأشواج ... ماهوَّة دا حال العُشاج
حبيبى ... سلم على .. وف عينه دموع
وماقالشى إمتى يكونلُه رجوع ... القلب فى بعادُه.. موجوع
حبيبى ... سلم على ..... وطمِّنى
وقال ماعُمره ح يألِمنى ... حبيبى دا .... حتة مِنِّى
حبيبى ... سلم علىَّ .. بحُب وشوق
قاللى غِلِطت وليك محقوق ... الفرح ف بعادك ما بدوق
حبيبى ... سلَّم سلام بِطرف الإيد
ف ملامحُه باين حُب جديد ... وقال : أنا مسافر لبعيد
سلام يا حبيبى ... سلم على ... وهنَّانى
حبيبى راجع من تانى ... يوم الفرَح يوم ماجانى
حبيبى ... سلم على وصوتُه حزين
وقال مسافِر بعد يومين ... وراح ماجانى بقالُه سنين
حبيبى ... سلَّم على ونا محتار
فاتنى من الجنة للنار ... زى الزمان حبيبى غدَّار
حبيبى ... عدَّا عليَّة ... ماقال سلامات
نظراته بتقول ... حبنا مات ... ماعادشى بينَّا خلاص كلمات
حبيبي
البحر والقافية
القصيدة على بحر المتدارك. آخر البحور، استدركه الأخفش على الخليل، ويُعرف أيضًا بالمحدَث والخبَب.
تفعيلاته: فاعلن فاعلن فاعلن فاعلن.
القافية: رويّها حرف الباء، قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة، منقولة من لسان العرب:
- حبيبك: حبب: الحُبُّ: نَقِيضُ البُغْضِ. والحُبُّ: الودادُ والمَحَبَّةُ، وَكَذَلِكَ الحِبُّ بِالْكَسْرِ. وحُكِي عَنْ خَالِدِ بْنِ نَضْلَة: مَا هَذَا الحِبُّ الطارِقُ؟ وأَحَبَّهُ فَهُوَ مُحِبٌّ، وَهُوَ مَحْبُوبٌ، عَلَى غَيْرِ قِيَ … (لسان العرب)
- حسيبك: حسب: فِي أَسماءِ اللَّهِ تَعَالَى الحَسِيبُ: هُوَ الْكَافِي، فَعِيلٌ بِمَعْنَى مُفْعِل، مِن أَحْسَبَنِي الشيءُ إِذَا كَفاني. والحَسَبُ: الكَرَمُ. والحَسَبُ: الشَّرَفُ الثابِتُ فِي الآباءِ، وَقِيلَ: هُوَ الشَّرَفُ فِي الف … (لسان العرب)
- دانا: دنا: دَنا الشيءُ مِنَ الشيءِ دُنُوّاً ودَناوَةً: قَرُبَ. وَفِي حَدِيثِ الإِيمان: ادْنُهْ؛ هُوَ أَمْرٌ بالدُّنُوِّ والقُرْبِ، وَالْهَاءُ فِيهِ لِلسَّكْتِ، وجيءَ بِهَا لِبَيَانِ الْحَرَكَةِ. وَبَيْنَهُمَا دَنَاوَة أَي قَرا … (لسان العرب)
- سافر: سفر: سَفَرَ البيتَ وَغَيْرَهُ يَسْفِرُه سَفْراً: كَنَسَهُ. والمِسْفَرَةُ: المِكْنَسَةُ، وأَصله الْكَشْفُ. والسُّفَارَةُ، بِالضَّمِّ: الكُنَاسَةُ. وَقَدْ سَفَرَه: كَشَطَه. وسَفَرَت الريحُ الغَيْمَ عَنْ وَجْهِ السَّمَاءِ س … (لسان العرب)
- عمرها: عمر: العَمْر والعُمُر والعُمْر: الْحَيَاةُ. يُقَالُ قَدْ طَالَ عَمْرُه وعُمْرُه، لُغَتَانِ فَصِيحَتَانِ، فإِذا أَقسموا فَقَالُوا: لَعَمْرُك فَتَحُوا لَا غَيْرُ، وَالْجَمْعُ أَعْمار. وسُمِّي الرَّجُلُ عَمْراً تَفَاؤُلًا أ … (لسان العرب)