الله يجازي من يسوي سواتك
اضغط على أي بيت لعرض معانيه وشرحه
الله يجازي من يسوي سواتكوبذنوب من سوى سواتك يجازيك
مشيت درب الثقل وتحب ذاتكماتدري انه للمهالك يوديك
غرك جمالك ياخساره حلاتكماتدري ان ماغير طبعك يحليك
بتقول زينك يشفع لسيآتكالحسن ماهو عن وفا الحب يعفيك
لوالتواضع والوفا من سماتكبعت الحبايب كلهم دين واشريك
لكن عجزت اغيرك ياجراتكعلى الغياب اللي بلا عذر ينجيك
خطاي في توضيح وشي غلاتكوخطاك في توضيح وشو تغليك
وشلون توصيني وتنسا وصاتكوتصد عن صوتن تقطع يناديك
مافاتك التجريح والعذر فاتكوتبغي رضاي الحين ماعاد يمديك
صحيح احبك بس هذا جزاتكبعلمك درس يفيدك ويحييك
تدري وش ابيض من خفوقك عباتكوتدري وش اللي غرني نظرتي فيك
ادري بتستغرب تصبر وجاتكقصيدة من واحد كان يبغيك
وتبغي تناظر وانت عايش مماتكشف وحدتك والناس تجلس حواليك
وتبغي تشوف اشجع رجل في حياتكشفني وانا راحل على كثر ماغليك
عن القصيدة
«الله يجازي من يسوي سواتك» من شعر محمد بن فطيس المري، من العصر الحديث، وتقع في ١٤ بيتًا. وهي بالعامية، ورويّها حرف الكاف، وهي قصيدة حزينة.
التعليقات(٠)
سجّل الدخول لإضافة تعليق.