يابلدنـــــا

يابلدنـــــا — الله عليكي يابلدنا

وكـــــل شــــيء ببــــلاش — حتــى الدهــب برضــوالدهــب ببلاش

الأكل متردخ ومتوفــــر والكل ماتوصاش — والشرب ميه معطرة وازاي مانشربهـــــاش

والبطن ماشية مطرطرة برضو ومابتترضاش — عمالــة تاكل وتظلــط في فاكهــة أو جـــــــلاش

والناس بتمشي مظأططة فلوسها حاضـره وكاش — والصحة بمب وحديـــــد والخلــق مابتعيـــــــــاش

والدمعة جوه العيون عمـــرك ما ح تشـــوفهــاش — والضحكة فوق الشفايف لازقــة مابتسيبهـــــــاش

والشغل عنـــــــد الموظف يمشــــــي مايستنـــاش — لا درج عنـــده اتفتـــح والرشــــوة ماقبلهـــــاش

ولا ست واقفة تعيـــط دايخــــة في صرف معاش — ولا خوف من المعتقل والكلمـــة مابتنحـــــــــاش

ولا حــد سافـــر لبــرة وبقـى لـه مـــده ماجــاش — ولا حــــــد ضيع فلوسه في حاجات وماكسبهاش

ولا حــــد ضايع ببانجـــو وحشيشة ماشربهــاش — *****

الله عليكي يابلدنا خيرك ماعمره انقــــــل — يحميكي رب الوجود ياتاج رؤوس الكــل

يجعل نهارك نهــــار أبيض وزي الفــــل — وتكيدي اللي يعاديكي ويدوقوا مــر الذل

الله اكبر عليهم وعنيهـــم اللي تســـــــل — لما يشوفوكي جميلة والخل جنب الخل

لا سجـــن ولا سجــان ولا حيــاه بتشـل — والناس بتضحك وتفرح ووشوشها بدروهل

الله عليكي يابلدنا أغلــى وأحلى محــــــــــــل — ( بلدنا في القرن الخامس والعشرون )

كلمات الشاعر — حسني عبدالله جاد

عاشق الورد