لو مابتحلمش

اضغط على أي بيت لعرض معانيه وشرحه

لو مابتحلمشأو حتى بتحلم والاحلام مابتتحققش

ماتخفشطمن روحك وماتقلقش

حاول بس أنك تسترخىركز حبة معايا وماتزهقش

اٍسند على كتف خيالك وافتح قلبكرتب على ما تقدر .... زكرياتك

اٍرجع بسنين حياتكوافتكر ...

إية كان أول حلم حلمتة ؟أو أخر حلم حلمتة ؟

كان اٍمتى وفين ؟واية ؟

ولو ف حياتك حلم إتحقققولى علية

ولو مش فاكرة مايهمكشواهدا وماتتعصبش

علاجك يابنى حاجة بسيطةلكن قبل علاجك قولى

مافيش مشاكل ف النقديةلا وصل امانة عليك ولاشيك

ولا أى حاجات من ديةأو ضامن حد يكون مادفعش

جاوب و ماتستغربشطيب فواتير إقساط

كهربا أو ميةمافيش ؟

والتليفون والغازوإشتراكات المترو وقسط النت

طيب وضرايبكالمبيعات والعامة والعقارية

يعنى مسدد كلة ومية المية !!!وإنت بتحلم بس الاحلام مابتتحققش ؟

المشكلة مش فيك ياحبيبىإنت سليم وكلة تمام

ومافيش مشاكل ف الاحلاممشكلتك يابنى ف حاجة قوية

مشكتك هيه .....الموطن

والجنسيةَ

عن القصيدة

«لو مابتحلمش» من شعر محمود عوده، وتقع في ٢١ بيتًا. وهي بالعامية، ورويّها حرف الشين.

التعليقات(٠)

سجّل الدخول لإضافة تعليق.