ما ينقش العصفور
اضغط على أي بيت لعرض معانيه وشرحه
الصدق ..ما ينقش العصفور .. في تمرة العذق ..
وما وشوش الدبور .. زهرة الرمان ..والصدق .. ما زاعت أ رض جوفها بركان
وما يحفر الأظفر في جلدة المجدوروش يخفي الإنسان .. الطيب .. المغرور
عضيت أنا اجساد الحروف الواضحه ..يا اخت الطريق ..
عضيتها صدق الشفاة الناضحهشهد وشري ..
وكان الحديث .. جرحٍ طري ..مضمد بالياسمين
كان الحديث .. ما هو الحديث اللي تبين ..وش اللي تبين الصدق.. ؟
وش الصدق ؟!غير الدفا والنور ..وما يقتل الإنسان الطيب .. المغرور
لو قلت لك .. إني ضعيف ..هشٍ كما ورق الخريف ..
أو قلت لك إني أخاف ..أبكي .. واخفي عبرتي ..
واني لبست .. ثوبي .. عقالي وغترتي ..با أجامل الليل .. والجفاف
بيعجبك .. هذا الصدق .. وهذا العفاف .. ؟!بهديك أنا يا مهرتي .. سرجٍ حرير
وقلادة ذهب ..وأبا أشتري سيفٍ رهيف ..
لو ما بقى عندي ثمن .. نصف الرغيف ..اللي يسد الجوع ..
والجوع .. صدق ..الجوع .. صدق .. وما سواه ..
يا اخت الطريق ..كذب .. كذب .. كذب
عن القصيدة
«ما ينقش العصفور» من شعر بدر بن عبد المحسن، من العصر الحديث، وتقع في ١٦ بيتًا. وهي بالعامية، ورويّها حرف الراء.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.