محطة عبور

اضغط على أي بيت لعرض معانيه وشرحه

سامحيني وابسمح والليالي تدوردايرتها وتمحي كل ثاني قرار

والعمر مر والدنيا محطة عبورمع مدار الليالي مايطول انتظار

ياغنات الفقير ويابقايا صبورفيك جبر الكسير وفيك فك الحصار

جيت ياعز للي طير عينه يدورفوق عج الهموم الي تسوق السمار

مرقده مايشوفه لا‌غشاه الفتورحال بينه وبين النوم شبه العفار

أعتذر للقناعه قبل اجث الجذوروأهدي العقد منهو في يدينه سوار

يامساري سرينا والوعد خيط نورمن سرى له يشوفه قبل شوف النهار

فيه نلقا الباشاير كامنه والسروركل ماكان غايب عنك ياتي جهاار

مشكله ما تكامل زول بدر البدورولا‌تلا‌شى ولا‌ له بالممات احتظار

كل ما أغلقت عيني مد فكري جسورحين ما اغلق هدبها مر شارع ودار

وجا معه من تركني للتعاسه نكورحط قلبي بسجن ولا‌ ترك لي خيار

يعتذر بالزياره بعد طول الدهورجا يشوف الجروح وحالها كيف صار

لا‌تنوش الجريح ولا‌ تهيض الشعورخل مفتاح سجني مانبي لك مزار

جيت ماجابك الا‌ كيف تشعل شرورخابرك وانت خابر كيف حالي دمار

كان تجهل حصيلي حين دمي يفورتفتق الي يطيب وتشعل الثلج نار

ماتجهم بوجهك مير وجه السرورعابس بوجه حابس سم سقمه دثار

جيت عاني ومثلك عنوته ماتبورمجلسك في محلك وانت به مستشار

عادتي في غيابك لا‌ تبدل حظوركل ماجيت زاير والحنايا مطار

أنشد الصمت يزعج للحناجر تثوريزهم العزم يدوي من يمين ويسار

والمراحب تصاحب فزتي والبخوريشعله شوق مدري نقوتي من وجار

وانت تنحر مقامي مثل نحر الجزورماتقدر مقامي لك ولا‌بك خضار

ليت يسلم زهابك من حزام الغرورقبل شاريك يقدح في حزامك شرار

وقبل يجرفك عجبك في مهالك بحورليت با اللين ترفع والتواضع شعار

لوعرفت الحباري والدرج والصقورماجهلت القوادح فوق صم الحجار

والهوى با المواقف فيه حكمك يجورويقتدربه عتل يشوف شتفه ظفار

غره الوقت مدري به تشيطن غرورطاع عهده وعهده للعهود الخفار

وماخسر من تجنب شر دعوة حصوروماكسب من تسبب بالذنوب الكبار

والدفاتر عليها واضحات السطوريوم تكتب عليها حط عدلك مسار

لا‌تمايل عليها وأنت تبني قصوروازن الساس وارفع لا‌ وزنته منار

وعن يمينك حدايق لا‌ بغيت الزهورلا‌نظرت ليمينك ماتشوف القفار

وعن يسارك سوابق ساكنه بالقبوروأنت عنها ومنها مجتهد بالفرار

والسعاده شهادة بر مافيه زورمالقت عند عاقل عف نفسه نكار

والرزا حد يضرب بالشقايا نحورعق شلفا تمركز في نحور الصغار

ولو جزيت الأ‌وادم بالمثل والشبورمالقى من جهلني جذع ياوي وغار

مير جهل الأ‌وادم ذنب والله غفوررغبتي بالسلا‌مه مثلهم والجوار

يوم فيه السما الي مابها من فطورتختلف والبنادم خلقته من فخار

هاله الي يروعه حين ماهي تموروين يلقا مفره وين ماله فرار

كود للعالم الي في يديه الأ‌مورأرتجيه السلا‌مه والله المستجار

عن القصيدة

«محطة عبور» من شعر سلطان الجالي، وتقع في ٣٨ بيتًا. وهي بالعامية.

التعليقات(٠)

سجّل الدخول لإضافة تعليق.