الظما
الشاعر: سالم سيار · الغرض: قصيدة غزل
«الظما» من شعر سالم سيار، وتقع في 13 بيتًا. ورويّها حرف الباء، وغرضها قصيدة غزل.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
بعد لك وجه تجيني بعد ماذوقتني امرارك — ياعمي طير خلاص انسى ولاتفكر تطق بابي
اخاف بس صج تموت فيني اقول الا انت شخبارك — اقول فارق واخذ كذبة تموت فيني وتحيابي
طفى ضو المحبه وأنطفى في عمري مشوارك — وعرفت اقسى الطعون اللي تجي من خنجر اقرابي
خلاص الحين بس الحين عرفت شلون امطارك — تصب هناك لكل الناس وتنسى تروي ترابي
تعال وشوف برواز العيون وفيه انظارك — هو التذكار مدام انت النظر وتجمل اهدابي
اشوف بس أخذ الاشواك وغيري ياخذ ازهارك — ياطيبي كنت احسب الجرح منك حيل يزهابي
من اول تنشغل فيني وفيني تشغل افكارك — واشوف الحين ماتقدر تطيق تشوف ترحابي
عمت عين الظما ان كان الظما يترجى انهارك — وعمت عين الهوى ان كان الهوى بيشتت اعصابي
تخاف القلب لا اظلم غلاه يموت بأنوارك — أبد لاتخا ف متعود على طعنات أحبابي
مو مية نار تحرقني بقت هي بس على نارك — ابشرك مابقى اي شي تحرقه كفو اصحابي
تجيني ويعني وبعدين شسوي يعني لأعذارك — تصوبني وترضي كل غرورك من ورى صوابي
اقول اسكت ولا تكثر ترى مليت تكرارك — طلبتك لين ماجفت عيوني من ورى اعتابي
توكل ما بقى لك شي في عمري كود تذكارك — أو اسمع حتى تذكارك كسرته داخل أهدابي
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- التذكار: جمع: ـات. [ذ ك ر]. (مصدر ذَكَّرَ). 1."أَحْتَفِظُ بِتَذْكَارِ ذَلِكَ اليَوْمِ الجَمِيلِ الَّذِي قَضَيْنَاهُ سَوِيّاً" : مَا يَبْقَى فِي الذَّاكِرَةِ مِنِ انْطِبَاعٍ أَوْ ذِكْرىً. 2."عَادَ بِتَذْكَارَاتٍ مِنْ رِحْلَتِهِ": …
- امطارك: [م ط ر]. (مصدر أَمْطَرَ). 1."إِمْطارُ السَّماءِ" : إِنْزالُها مَطَراً. 2."إِمْطارُهُمْ بِوابِلٍ مِنَ القَنابِلِ" : إِغْراقُهُمْ.
- اهدابي: جمع هُدْب . [هـ د ب]. 1. "أهْدَابُ العَيْنِ": شَعْرُ أجْفَانِ العَيْنِ، أَشْفَارُهَا. 2."تَمَسَّكَ بِأَهْدابٍ واهِيَةٍ" : تَعَلَّقَ بِخُيوطٍ واهِيَةٍ. 3."تَعَلَّقَ بِأَهْدابِ الكَعْبَةِ" : بِأَطْرافِها. 4."تَمَسَّكَ بِأه …