الجمله تنوح ..!

اضغط على أي بيت لعرض معانيه وشرحه

هاجسي دام الصراحه والوضوح.واحده ..! والحال وجه السالفه.

مجلسٍ غنّى .... على شفة نبوح.عافته نفسي ..... وقلبي عايفه.

قمت اميّز..! بين بوح وبين روح.ولا لقيت ...! اللي يطول النايفه.

سامج الهرجه على الشينه شفوح.والسوالف .... زايفه مع تالفه.

مجتمع ضايع..! ولا عنده طموح.في مجالسهم .....! عجوز موالفه.

رقّصوها.... قبّلوا وجهٍ كلوح.من نسمها ...! كل روح مخالفه.

يشربون الدم.. من وجه الجروح.وفي جبين الليل .... عينٍ حالفه.

يكتبون الذنب ..! والجمله تنوح.والدفاتر ......! في ظهورٍ نازفه.

رحت عنهم والصدر يطبخ يفوح.وجادت حْروفي..! بذيك الطايفه.

قمت ادوّر للمشوره والنصوح.ولا لمحت ....! الاّ عيونٍ ذارفه.

عن القصيدة

«الجمله تنوح ..!» من شعر صالح بن عمار، وتقع في ١٠ أبيات. وهي بالعامية، ورويّها حرف الفاء.

التعليقات(٠)

سجّل الدخول لإضافة تعليق.