عيال الشياطين ...!

اضغط على أي بيت لعرض معانيه وشرحه

ياسعود لا تنشد عن الحال كيفه.الحال مكتوبٍ على شاشة العين.

الله بلانا ....... بالنفوس الضعيفه.اللي مع الشينه توارد على الشين.

لو تزرع المعروف تلقى الخليفه.نارٍ تسارج تاكل الشين والزين.

الوقت قاسي ..... والليالي عنيفه.لو تذبح الهرجه.! تبقّت لك العين.

جماجمٍ تحمل عقولٍ خفيفه.وصدورهم ... متسلفه طيبها دين.

ان جيتهم بالطيب حزّت خريفه.ذابت يميني ...! في عيون الكريمين.

ناسٍ رمت بالهرج مثل القذيفه.وطلاّبة الفتنه .... عيال الشياطين.

الهرج .! صدقه ما تخالط بزيفه.وهرّاجة المجلس وجيه السكاكين.

من قو حذف الهرج تسمع وحيفه.والهرج ماحرك عقول الرزينين.

لو كانت اوجيه الهلايم ظريفه.من يظمن العقرب.! وسم الثعابين.

اليوم اباري الوقت واهرف هريفه.والصد عنهم خير اول وهالحين.

مابين شذابٍ .. وشحاذ .. خيفه.كف الغدر مع طعنة العسر واللين.

وجهي وجه حاتم وتقوى حذيفه.واهل النوايا واللوايا ملاعين.

ببقى كذا ...! لو الليالي كليفه.اقلّها صيتي .! في خضر البساتين.

عن القصيدة

«عيال الشياطين ...!» من شعر صالح بن عمار، وتقع في ١٤ بيتًا. وهي بالعامية، ورويّها حرف النون.

التعليقات(٠)

سجّل الدخول لإضافة تعليق.