اغراب لكن .....!

اضغط على أي بيت لعرض معانيه وشرحه

تعال بشرح لك مفاهيم الاعجاب.مادام لي عندك ميول ومساحه.

البارحه حرفك عن العين ماغاب.يقراه قلبي .. جال فيه انشراحه.

ودّك وحرفك عندنا ماهم اجناب.تهامسوا بالجوف خاطوا جراحه.

القلب يمّك طار ... بالعز ماهاب.لو بالسما .. تكثر عيون الملاحه.

فيني وَلَه والعين لو موقها ذاب.ذوّب مشاعر ترجي الوقت راحه.

بين الحنان ونبضة البعد منصاب.قلبٍ تعلّق في سرابك و زاحه.

انزف ألم والجرح تعميه الاطياب.والحرف يطعني مساه وصباحه.

الناس تثني والمدح راح ما جاب.هَمسِه ومنديله وريحة وشاحه.

اغراب لكن في شراييني اقراب.فاح الغلا مابين واحه و واحه.

يازين.! لو اني من الوقت طلاب.بطلب منه عينك تصير استراحه.

لعيونك الثنتين بكتب لك اكتاب.حرام صدك والمشاعر مباحه.

قدمت لك شرح المفاهيم بآداب.والحب اقرب للفشل من نجاحه.

جاتك حروفي كلها ورد واعناب.مشاعرٍ متعطره بالصراحه.!

عن القصيدة

«اغراب لكن .....!» من شعر صالح بن عمار، وتقع في ١٣ بيتًا. وهي بالعامية، ورويّها حرف الحاء.

التعليقات(٠)

سجّل الدخول لإضافة تعليق.