الوتين ...!

اضغط على أي بيت لعرض معانيه وشرحه

أشربيني ود ... ويفوح الغلا.في شرايين المحبه ..... والسنين.

أشعليني ....... بين لبيه وهلا.مازبنك إلا .. ودادي والحنين.

قبلها قلبي ....... تقدم للولا.بايعك بالحب! واعطاك اليمين.

ماملك قلبي ... ولا غيرك ملا.عيني اللي من ولهّا ... ترتوين.

تقدعين الود من وجه الحلا.وتلبسين الشعر كلي تشربين.

ماتنازل عن غرامك .. لا ولا.لو تنازل قلبي عن ذاك الوتين.

تحسبين القلب عن حبك سلا.وأنتي اللي بالثواني له قرين.

مالكه قلبي .... ونظرات الملا.في عيون الناس كنك تسكنين.

صورتك والصوت ياريم الفلا.ماتفارقني .! على وقتي تبين.

كل ماشفتك يجي لْساني بلا.اتلعثم من هلا .. والفكر وين.

اسأليني .. عن غرامك والغلا.وتكتب عيوني جوابك جملتين.

بين أحبك موت مدري ياهلا.فاح دمعي يوم شفتك تقبلين.

لو شربتيني غلا .. قلبي غلا.فوق جمر الشوق لذه للونين.

شاربٍ صبري ومني كم كلا.وكم تمنيتك تجين ولا تجين.!

اكتبك والشعر يشمخ ويعلا.ريحته مابين عود ... وياسمين.

كل بيتٍ بالجزاله .... امتلا.والحشيمه تاجها عندي ثمين.

عن القصيدة

«الوتين ...!» من شعر صالح بن عمار، وتقع في ١٦ بيتًا. وهي بالعامية، ورويّها حرف النون، وغرضها الغزل.

التعليقات(٠)

سجّل الدخول لإضافة تعليق.