ناكر الخير

اضغط على أي بيت لعرض معانيه وشرحه

فْيُومْ مَنْ لِيَّامْعَرَفْتْ دَرِّي فَقِيرْ

كُلّْ رَسْمَالُو قْلاَمْوْلُوحَة مَنْ قَزْدِيرْ

عَلَى ظَهْرُو سَلْهَامْمَنْ لَمْشَمَّعْ قْصِيرْ

فَقِيرْ وْفَعْيُونُو بَسْمَةوْثَارْ مْعَ خُبْزْ الشّْعِيرْ

مَا بَايْنَة عَلِيهْ نَقْمَةوَلاَ شْكَى حْزَانُو لَلْغِيرْ

كَانْ حُلْمُو كُلُّو لَقْمَةوْجَغْمَة دَلْمَا دَلْبِيرْ

مْشَاتْ لِيَّامْ بْلَحْزَانْ وْلَفْرَاحْوْلاَقَاتْ لَعْوَامْ الِّليلْ بَالصّْبَاحْ

صَاحَبْنَا قْرَا وَتْعَلَّمْوَمْعَ لِيَّامْ دْرَكْ وَلاَّ يَفْهَمْ

شَافْ جْنَابُو وَتْبَسَّمْوَنْفَخْ صَدْرُو وْتْعَظَّمْ

قَالْ اللهْ يَرَحْمَكْ زْمَانْوْيَرْحَمْ لْبُو وْلَمِّيمَة لَحْنَانْ

جْمَعْ كُلْشِي فْسَلْعَةوْبَاعْ كُلْشِي فْدَفْعَة

نْكَرْ لَحْبَابْ وْلَصْحَابْوْسَدّْ عَلْعَشْرَانْ الْبَابْ

دَارْ حْبَابُو هُمَا نْسَابُووْبَاعْ جَنّْتُو بَعْذَابُو

نْسَا بَّاهْ وْلَمِّيمَة لَحْنِينَةوْخَلاَّهَا تَطْلَبْ النَّاسْ فْلَمْدِينَة

صَاحَبْنَاهَذَا مِثَالْعَلَى مَا يْدِيرْ فَبْنَادَمْ الْمَالْ

مَا يْدِيرْ الْجَاهْ وَالْكَلْمَةفَقْلِيلْ الأَصَلْ وْمَعْدَنْ الْمَا

قَالْ الصَّادَقْ يَا إِنْسَانْكَمَا تَدِينْ يَا بْنَادَمْ تُدَانْ

وَلِّي دَارْ شِي فْوَالْدِيهْ وَالنَّاسْيْدِيرُوهْ فِيهْ النَّاسْ وَالصَّبْيَانْ

عن القصيدة

«ناكر الخير» من شعر عبد العلي فيلالي بالحاج، وتقع في ١٨ بيتًا. وهي بالعامية، ورويّها حرف الراء.

التعليقات(٠)

سجّل الدخول لإضافة تعليق.