مواطنة

ما شاف ما شوف ما روى فالتاريخ وساح — ولا متع للماح فالضي والاصباح

ولالو رغبة لحلاحة — ولا حلق في سماه مثيل لطيار الرايحة

هاج خاطري لشي بطال ورفرف بجناح — لابن زياد وراح مابين سيوف ورماح

و بين مواج وساحة — انطالقت اجناد الله لذاك الاراضي فاتحة

ثم جا صبط النبي زرهون بين اوربة وارتاح — سكن ارواح ناس ملاح

لولا كيد الدباحة — مؤامرات تتكرر بين اليوم والبارحة

ومشات وتولات ليام بالاحزان ولفراح — ولسلام عم ولاح بالامن وبالسماح

دين الرافة وسماحة — دين يجمع ما يفرق تعاليمو واضحة

افل نجم امية فلندلس وتجيح تجياح — بين طرب و راح ودوح ودواح

ولجنات لفواحة — من تجبر وطغى لا شك ضربتو جايحة

قام الناصر بالعزم للحرب وبرح لبراح — بين جبال ووطى لبطاح

النفاير الصياحة — تجمعو شجعان فالعقاب الاول خلاو الدميات سايحة

الفونسو شاف وتملا هزيمتو فالضي الوضاح — بشوفة للماح

هزيمة فضاحة — ورجع يرغب ويزاوك طالب هدنة ومسامحة

كانت معركة لعقاب مثيل هوج الارياح — تضرب عنق السفاح

الفوسو ضاقتلو لمساحة — هرب وتغلب وبقات جنادو هربانة سارحة

سال واد المخازن يوم الواقعة ولي جا ولي راح — ما نفعت فيه قوة وسلاح

ولي عاطي للريح السفاحة — ومن كانو قوت لسماك النهر ولطيار لجارحة

الحمد لمن خلقنا ضراغم امازيغ وعربان نعم الفتاح — بالعزكسانا لوشاح

عدانا ما توجد راحة — سال عن اجدادنا انوال واسلي ومرفودة وطايحة

سال حرب الرمال يا الجاهل بلسون فصاح — تعطيك اخبار صحاح

كانت حرب مثيل سياحة — سال عليها الصحرا تعيد لك والشمس اللافحة

هذا هو المغرب كيف جا فكرارس ولواح — من يواليه نكدو افراح

ومن يعاديه مونواحة — ملا عاشر ما عرف عشير ولا صورة واضحة

مسيرة خضرامسالمة سكتت صوت النباح — من علا شانو طاح

لكلاب النباحة — يوم تبارزلاسود فاشجاعة ولعقول الراجحة

خود حدرك من كلب نهار يشبع ويصحاح — فهم قصدي اصاح

لقومان الحياحة — ملا عاشو فخير ولا كانت مطامرهوم به طافحة

عجبي من شباب ركب لبحر وتلاح — لا هو ملاح ولا سباح

عسى يوجد الراحة — ضاع مثيل مركبويا ويحو فلمياه المالحة

ملا دار فايدة فبلادويقلب بين السواح — جالس فيهوم مداح

الجبوه النطاحة — ليس يدري مواطنة ولا يقبل مناصحة

من كان غرسو تبن محال يجني تفاح — الو يكون فلاح

وكل جدودو فلاحة — ومن غرس التين عطاه باكورو كرموسة مشرحة

هكداك النسوان من حسن الغرس ارتاح — وظفر بمنى وافراح

مثيل القوم المرتاحة — بالمدونة ضحات باهجة فارحة

والسلام نهيبوختام مطلوق علسياح — لناس الوهب والشراح

من تميزو برجاحة — عراض للمير فيلالي طالب لمسامحة

لست نقاب فد الفن ولا راني جراح — يدريه كل من هو كراح

ولا من دوك المداحة — ولا نقول كي كان فلان وكي ضحى