ثامن السبع العجايب
الشاعر: حامد زيد · الغرض: قصيدة غزل
«ثامن السبع العجايب» من شعر حامد زيد، وتقع في 24 بيتًا. ورويّها حرف الباء، وغرضها قصيدة غزل.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
اسمعي والكـل منـا لـه هـواه ولـه ميولـه — لاتمسين بكلامـك شعـره بـروس القرايـب
ان حكيتي مـا وفيـت وان تحديتـي عجولـه — تحسبين ان كل فعـل ٍ تفعلـه يمنـاك صايـب
تحسبين انك خذيتي بالحـش صولـة وجولـة — تحسبين اني ذكرتك مـع نسانيـس الهبايـب
والله انك لو ذبحتـي خافقـي لألقـاك حولـه — عاشقة تشقي بقلب من طريق العشـق هايـب
كم رضيت اسكت عليك من القهر وانتي زعوله — خايف اضحك وستفزك واهجرك واعيش ذايب
ادعيت انك خجولة وادري ان ما انتي خجولـة — وادري انك تخجلين الشمس من فوق السحايب
مايحببنـي بقلبـك ياالهـنـوف الا فضـولـه — ولا ينسيني غرامك غيـر تكـرار المصايـب
عاشقة جيتـي ورحتـي يالحبيبـه يالعذولـه — لابنيتـي لـي طمـوح ولا تركتيهـا خرايـب
تستبيحيـن القلـوب وتستحقيـن البطـولـة — واستحق اعيش بعدك تايـب وامـوت تايـب
ياكثر ماشال قلبـي شـي اكبـر مـن حمولـه — ولا عفيتي عن غلاه ولابخـل لـك بالوهايـب
كنه ارحم من همـال المـزن للزهـر بذبولـه — وانتي اقسى من هجير القيظ وسموم اللهايـب
وانتي ادرى في غلاك بداخلي ش اللي يزولـه — وادخلي علـى الله واحفظـي ذيـك السبايـب
ماخبرت اللحظة اللـي حللـت قربـك تحولـه — ولا هقيت اني بشـدد للجفـا قلـب وركايـب
ولاهقيت انك تحبيـن الزلـل وانتـي جفولـه — ولاهقيتـك تكرهينـي كثـر حبـك للطلايـب
كن قلبي فـي وصالـك وابـل ٍلحظـة نزولـه — وفي فراقك مثل دمعة تنحدر من عيـن شايـب
كنت ابي وقفت حبيبه تنهض القلـب بخمولـه — طامح بالعشق وانتـي عايبـه والحـظ عايـب
كنت ابيع الكون واشتري خافقك وظلال زولـه — كنت اثور اليا وطيتي بالقدم شهـب الترايـب
كنت قصن كـل كفـي غيـر كفـك مايطولـه — كنت قلب ودمعتيـن ودرب وجـروح عطايـب
كنت ابيع العمر كله ورخصه عرضـه وطولـه — للعيون الـي هدبهـا ثامـن السبـع العجايـب
بس ابرضي لك غرورك واكسر القلب بذهولـه — وقتها ماكنت افكـر صايـب او كنـت خايـب
والرجـل لـو ماتحلـى بالشهامـه والرجولـة — صدقيني صعب يقدر يملـك قلـوب الحبايـب
صدقينـي مايوالـف خافـق البنـت بسهولـه — بالهوى يابنت حواء غيـر طـلاب النشايـب
والسهر والعشق الاول والهوى واللـي ينولـه — شي اقسى من همومك والعنه حاضر وغايـب
والهموم اللي دعتني من بعـد سـن الطفولـة — كلها ( من تحت راس العشق ) ملعون الصلايب
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- اسكت: أَسْكَتَ يُسْكِتُ إسْكاتاً - ـه: جعله يسكت، أي يصمت؛ أسكَتُّ الثرثارَ فلم يسكت/ لا أسكت اللهُ له حسًّا.- ت حركتُه: سكنت؛ أخيراً أسكتَتْ حركةُ الخروف المذبوح.- عن الشيءِ: أعرض عنه؛ أسكت الشابُّ عن كثير من المغريات.
- اسمعي: أسْمَعَ يُسْمِعُ إسْماعاً :- ـه الكلامَ: جعله يسمعه، أي يدركه بحاسَّة السمع وَلَوْ عَلِمَ اللهُ ِفيهمْ خَيْراً لأسْمَعَهُمْ ولَوْ أَسْمَعَهُمْ لَتَوَلَّوْا وَهُمْ معْرِضونَ/ أَسْمِعْني صوتك في الغناء/ لا أسمعك اللهُ، دعا …
- اضحك: أضْحَكَ يُضْحِكُ إضْحَاكاً .- ـه: جعله يضحك؛ تضحكني بلاهة رجل كاذب.- الحوضَ: ملأه حتى فاض.
- الهبايب: الهَبَائِبُ : [بصيغة الجمع] مفـ هبيبة وهي ما تقطَّع من الثياب ونحوها؛ ساءَني أن يلبس هذا الصبيّ هبائبَ في الشِّتاء.
- انتي: أَنْتَىِ يُنْتِي أَنْتِ إِنْتَاءً [نتو]:- فلانٌ فلاناً: وافقَه في الشَّكل والخلق.