يا مبدل الأحوال
الشاعر: سيدة الشولي · البحر: المجتث
«يا مبدل الأحوال» من شعر سيدة الشولي، وتقع في 34 بيتًا. نُظمت على بحر المجتث، ورويّها حرف الكاف.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
يَا مِبَدِلْ الأحوَال .. — حال البسِّيطة مَال
ولا عادش عيلة وخَال .. يسعف ويشتالهَا — وما فيش دُعَا مِ القلب .. يخِفِف أحمالها
عتمة القلوب كِرْمَال .. حَالكَّة ومِتهَـالكَّة — الذمَّة نايمَة وعال سِكك الشيطان سَالكّه
الأخ نِدْ لخوُه — والابن ينكِر أبوُه
والأم نداهّة ... — عَ اللي أترمى في الجُبْ .. بين خيّه ومتاهة
ولا فيش صدَى للصوت — صوت الحقيقة يموت
والموت بقىَّ ينقِي — نقِي يا فرازة ..
الدَبح بقزازه أهون من العَازّه ! — ايش حالها دِي الوعكّه ..
هَرْسّه وليه دَعكَّه ؟! — اللِي أمُه دَاعيَا علُيه .. يندِّب ويتـشَكَّا
واللي بلاه شوكها .. — حَقُه ... يشَكْشِكْهَا
ويقول : أنا الغالي واللي بيجرَى كتير — شيء سابق التدبير
المولى فيك يمْهِّل .. ولا يهْمِلَك يا لئيم — الضحكة على سِنك .. خوانه بتواعِد
وعد الصفار أمَّا .. بيغير الألوان — ويبان على وِشَك يا َمداغ اللِبَان!
شَايِّكَه الحياة شَابْكَه — وشَبابهَا في شِبَاكها
غلطان يا خال يا لِلي — علىَّ الوعود مَرْكون
وعد اللئيم يغدُر.. ويتوِّهَك فِ ظنون — الحكمة مش انُه .. مَالِك رقابينا !
لو كان ده بإيدنا ؟ — كنا وكان هو ..
بس المصير مرهون ! — دَ لو كان عجينة نار !
وف يَدُه سيف بتار ! — أكم حصون وحصون
جز التاريخ .. نابها — ما بقاش لها قومة .. ولا عادش في منابها !
أندار عليها ودار .. فات عِزها وسابها ! — ما أحناش حَ نتخلِد
والحس لو بَلِدْ ؟! — بلادّه ببلادّه .. نعبُر عبور تاني
ويجوز لنا ننجح .. مَهِّي هيَ دِي العادة — لَمَنْ ننول غاية .. ترخص ومن تانِي
نحلم لها إعادة ! — بس أنتَ دِي المرَّة .. مش عابر القارَّة !
أعبُر عبور الروح .. — الكبرياء مجروح
وناهيك .. عن اللي كان — إن كان وبالإمكان ؟!
يكون عبور تحرِّير ولا هوش عبور تحرِّيك ! — ويا طالِع الشجرّة !!!
ويا سَادّة فيه سَادّة .. أحنا لها وِسَادّة — بتعد في الأنفاس
بشِلة الحُراس .. تهبِد وترزعنا ! — ولا هوش دا عيب فيهم ..
المَسخ هو أحنا — طول مَ الضهور تِحنا
نعرُج ونتطوح وبنِخْرِّسْ أوجاعنا — ما حد راح يِعْنىَّ , عايشين بِلا مَعنىَّ
يا مبَدِل الأزمان — ورِّي التعيس .. أيه
يصحَا الأمل عشمان .. يوصَل بُه للغاية — يتبدِل الحرمان , لأفراح كتير جايه
يعْبُر على جَرْحُه — الغربة ليل سجان , أسرُه مع فرحُه
البحر والقافية
القصيدة على بحر المجتث. بحر قصير قليل الاستعمال، سُمّي مجتثًّا لاجتثاث أجزائه (اقتطاعها).
تفعيلاته: مستفعِ لن فاعلاتن.
القافية: رويّها حرف الكاف — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الدبح: دبح: دَبَّحَ الرجلُ: حَنَى ظَهْرَهُ؛ عَنِ اللِّحْيَانِيِّ. والتَّدْبيح: تَنْكِيسُ الرأْس فِي الْمَشْيِ. والتَّدْبيح فِي الصَّلَاةِ: أَن يطأْطئ رأْسه وَيَرْفَعَ عَجُزَهُ؛ وقيل: يَبْسُطُ ظَهْرَهُ ويطأْطِئُ رأْسه فَيَكُونُ …
- العازه: عَازَ يَعُوزُ عُزْ عَوْزاً :- ـه الشيءُ: لم يجده وهو محتاجٌ إليه؛ عازه المالُ.
- حالها: حال: أَتى بمُحال. ورجل مِحْوال: كثيرُ مُحال الكلام. وكلام مُسْتَحيل: مُحال. ويقال: أَحَلْت الكلام أُحِيله إِحالة إِذا أَفسدته. وروى ابن شميل عن الخليل بن أَحمد أَنه قال: المُحال الكلام لغير شيء، والمستقيم كلامٌ لشيء، وال …
- سكك: سكك: السَّكَكُ: الصَّمَمُ، وَقِيلَ: السَّكَك صِغَر الأُذن وَلُزُوقُهَا بالرأْس وقِلَة إِشْرَافِهَا، وَقِيلَ: قِصَرها وَلُصُوقُهَا بالخُشَشاء، وَقِيلَ: هُوَ صِغر قُوفِ الأُذن وضيقُ الصِّماخ، وَقَدْ وُصِفَ بِهِ الصَّمَمُ، …