رقصه من غير حاجه من غير حد
الشاعر: مسعود شومان · البحر: الخفيف
«رقصه من غير حاجه من غير حد» من شعر مسعود شومان، وتقع في 22 بيتًا. نُظمت على بحر الخفيف.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
رقصه من غير حاجه من غير حد — هيَّا دى النقطه اللى هاارشق فيها سهمى
حااطلع فى الضلمه وافرد ايديَّا — وارقص رقصتى اللى ماحددتش هتكون ازاى
واقول لها انتى رقصتى اللى عرفتك دلوقت — من ريحة عرقى ونهجانى على السلم فى الركن الضلمه
(كان ويايا بنوته ضفايرها طويله طويله ) — هالْبِس كسكتتى وامسك عكازى
واشوّح بيه ف وش المسامير اللى واكلها الصدا — (على فكره كان فيه فرخ ورق متعلق على حيطة الفصل
اللى واكلها الملح مرسوم عليه عصافير ميته مدقوقه بمسامير ) — دى جزمتى
أيوه — لونها غريب ورباطها بيجرجر فى الأرض
ودا وشى الجبس اللى خلعته العصر — وحطيته على الكرسى المكسور
يمكن يعتر فيه حد ويدِّيه لبتاع الروبابيكيا — ويمكن يعجب الست اللى بتلبس نضاره غميقه
وتحطُّه ويّا تُحفها اللى محافظه عليها من سنة تلاتين — حارقص لأول مره رقصه مجنونه
ملهاش حركات معدوده — رقصه مش محسوبه لحد آخرها
حاارقصها لوحدى — أو للسكرانين فى أى بار مارحتهوش
حارقصها على قد بواقى البيره... — اللى هاتفضل فى آواخر أزايزهم
دى عِمتى اللى وارثها عن جدى — آهيه ف خرَّاره
ودا شنبى اللى بيقولو- الخالق الناطق- خلانى حته من ابويا — هااحلقه جلْط وانعّم حواليه
ودى سبحه قديمه قديمه 33 حبايه — لأ مش 99
حبايه لولى — حبايه ياقوت
حبايه مرجان — دى نصيبى من سحارة ستى بعد ما ماتت
حا ارمى كل حبايه فى بلد — عشان ما يتحرموش من بَرَكاتها
ودى هدومى — حاارقص لأول مره من غير حاجه من غير حد
يمكن تكون عتمه — ويمكن رطوبه
بس هيِّا دى النقطه اللى ها ارشق فيها سهمى
البحر والقافية
القصيدة على بحر الخفيف. من أعذب البحور وأكثرها شيوعًا بعد الطويل والكامل، خفيف على السمع يصلح لأغراض كثيرة.
تفعيلاته: فاعلاتن مستفعِ لن فاعلاتن.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الركن: ركن: رَكِنَ إِلَى الشيءِ ورَكَنَ يَرْكَنُ ويَرْكُنُ رَكْناً ورُكوناً فِيهِمَا ورَكانَةً ورَكانِيَةً أَي مَالَ إِلَيْهِ وَسَكَنَ. وَقَالَ بَعْضُهُمْ: رَكَنَ يَرْكَن، بِفَتْحِ الْكَافِ فِي الْمَاضِي وَالْآتِي، وَهُوَ نَادِ …
- الصدا: صدأ: الصُّدْأَةُ: شُقْرةٌ تَضْرِبُ إِلَى السَّوادِ الغالِبِ. صَدِئَ صَدَأً، وَهُوَ أَصْدَأُ والأُنثى صَدْآءُ وصَدِئةٌ، وَفَرَسٌ أَصْدَأُ وجَدْيٌ أَصْدَأُ بيِّن الصَّدَإِ، إِذَا كَانَ أَسودَ مُشْرَباً حُمْرةً، وَقَدْ صَدِ …
- الفصل: فصل: اللَّيْثُ: الفَصْل بَوْنُ مَا بَيْنَ الشَّيْئَيْنِ. والفَصْل مِنَ الْجَسَدِ: مَوْضِعُ المَفْصِل، وَبَيْنَ كُلِّ فَصْلَيْن وَصْل؛ وأَنشد: وَصْلًا وفَصْلًا وتَجْميعاً ومُفْتَرقاً، ... فَتْقاً ورَتْقاً وتأْلِيفاً لإِنس …
- المسامير: ن. مِسْمَارٌ.
- النقطه: النُّقْطَةُ : علامة مستديرة صغيرة جداً على سطح مستوٍ. ـ في الخطّ العربيّ: علامة مستديرة أو غير مطموسة صغيرة تُجعَل فوق الحرف المعجم أو تحته لتميّزه، وكانت تستعمل في الكتابة القديمة للشكْل أيضاً. وتُستعمل النُّقَط في بعض …
- بمسامير: ن. مِسْمَارٌ.