رجلى أتقل من سنة 67
الشاعر: مسعود شومان · البحر: المقتضب
«رجلى أتقل من سنة 67» من شعر مسعود شومان، وتقع في 32 بيتًا. نُظمت على بحر المقتضب، ورويّها حرف الراء.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
رجلى أتقل من سنة 67 ... ــــــــــــ
إيه ... مالك ياقلبى نشفت زى البير
وبقيت شُقافه ... مالك !
كاشش زى عيل فى الشتا ... خليك كدا غاوى صنانير
وغاوى قزقزه فى الركن الضلمه ... إسّيغ والبس غوايشك وحلقانك
وادهن أولك بالبلك ... وعلّق خمسه وخميسه
هاتحوش عنك عربيات البوليس ... والمخبرين فى محطة مصر
عارف إنك اتغيرت ... أيوه
كنت زى ورق البفره ... وبقيت علبة كبريت عليها الهلب
وبقيت حاجات تانيه ... علبة ورنيش ... لأ
زرار قميص... يمكن ... بتسك صدرى ع البكا
بقيت حاجات كتير ... حاجات عارفها
وحاجات بتّكّركب ... فى السرداب الكحل
ساعات يبقى لها لون ... وساعات تجرجرنى وتسيب لى الدوباره...
زى طياره ورق ... والنظره فضا يرقص فيها الأعمى
أعمى وعكازك فى إيدى ... رجلى أتقل من سنة 67
أملس عليك واحطك جنب عيّلى / ضنايا ... أسرح له شعره واطبطب عليك
عارف ... ما انتوش اخوات
ولاّ اللى لمكو على بعض الليله ... إنكو نايمين فى سريرى
أو لونكو بتاخدوه من جسمى ... بس أنا لازم َأِلم حاجاتى على بعض
واعرف مين منها اللى ها يدخل ويايا الحرب ... واعرف إيه اللى صدّا
أحطُّه جنب مصباح علاء الدين والأشكيف... ... والمعلقات والمندل والسجنجل والحجنجل ...
والوطنيه والقوميه وجزمتى أم رباط ... وحدوة الفرس اللى جاى من نطَّه غريبه
وأى حاجه مش عجبانى ها تعرفها ... وتقول لها بالمفتشر مش ناقصك
كفايه الحمير اللى قاعده ع الكراسى ... والمعيز اللى زبْلها فوق السيراميك
وبعد كدا بُص من فوق لتحت ... كإنك بتقول لهم :
انتو زباله ... وان عرفت ترقص فى حضن بت يتيمه
ويكون اسمها فاطنه ... على شرط تقول لها يافطمطم
وتضرب رجل يمين وتقول يافطم ... ورجل شمال طم .. طم
عارف ما نتش قد الرقصه ... بقيت شُقافه
خليك كدا غاوى صنانير مصدّيه ... بياكلها السمك
وترجع بخيبتك كل يوم .
البحر والقافية
القصيدة على بحر المقتضب. بحر نادر قليل الورود، سُمّي مقتضبًا لأنه اقتُطِع من المنسرح.
تفعيلاته: مفعولاتُ مستفعلن.
القافية: رويّها حرف الراء، قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة، منقولة من لسان العرب، مفردات الراغب:
- اتغيرت: تغر: تَغَرَتِ القِدْرُ تَتْغَرُ، بِالْفَتْحِ فِيهِمَا: لُغَةٌ فِي تَغِرَتْ تَتْغَرُ تَغَراناً إِذا غَلَتْ؛ وأَنشد: وصَهْباءَ مَيْسَانِيَّةٍ لَمْ يَقُمْ بِها ... حَنِيفٌ، وَلَمْ تَتْغَرْ بِها ساعَةً قِدْرُ قَالَ الأَزهري: … (لسان العرب)
- البوليس: بولس: فِي الْحَدِيثِ: يُحْشَرُ الْمُتَكَبِّرُونَ يَوْمَ الْقِيَامَةِ أَمثال الذَّرِّ حَتَّى يَدْخُلُوا سِجْنًا فِي جَهَنَّمَ يُقَالُ لَهُ بُولَسُ؛ هَكَذَا جَاءَ فِي الْحَدِيثِ مُسَمًّى. (لسان العرب)
- البير: قال عزّ وجل: ﴿وَبِئْرٍ مُعَطَّلَةٍ وَقَصْرٍ مَشِيدٍ﴾ [الحج : 45] ، وأصله الهمز، يقال: بَأَرْتُ بِئْراً وبَأَرْتُ بُؤْرَة، أي: حفيرة. ومنه اشتق المِئْبَر، وهو في الأصل حفيرة يستر رأسها ليقع فيها من مرّ عليها، ويقال لها: ا … (مفردات الراغب)
- الركن: ركن: رَكِنَ إِلَى الشيءِ ورَكَنَ يَرْكَنُ ويَرْكُنُ رَكْناً ورُكوناً فِيهِمَا ورَكانَةً ورَكانِيَةً أَي مَالَ إِلَيْهِ وَسَكَنَ. وَقَالَ بَعْضُهُمْ: رَكَنَ يَرْكَن، بِفَتْحِ الْكَافِ فِي الْمَاضِي وَالْآتِي، وَهُوَ نَادِ … (لسان العرب)
- الشتا: شتا: ابْنُ السِّكِّيتِ: السَّنة عِنْدَ الْعَرَبِ اسمٌ لاثْنَي عشَر شَهْرًا؛ ثُمَّ قَسَّمُوا السَّنة فَجَعَلُوهَا نِصْفَيْنِ: سِتَّةَ أَشهر وستة أَشهر، فبدؤوا بأَوَّل السَّنَةِ أَول الشِّتَاءِ لأَنه ذكَرٌ وَالصَّيْفُ أُنث … (لسان العرب)
- خمسه: خمس: الخمسةُ: مِنْ عَدَدِ الْمُذَكَّرِ، والخَمْسُ: مِنْ عَدَدِ المؤَنث مَعْرُوفَانِ؛ يُقَالُ: خَمْسَةُ رِجَالٍ وَخَمْسُ نِسْوَةٍ، التَّذْكِيرُ بِالْهَاءِ. ابْنُ السِّكِّيتِ: يُقَالُ صُمْنا خَمْساً مِنَ الشَّهْرِ فَيُغَلّ … (لسان العرب)