رساله له فقط

اضغط على أي بيت لعرض معانيه وشرحه

الهنوف اللي فرحها سافرت به عن بلدهاخلت الفرقا تسولف عن حبيب بلا حبيبة

ما ورا حزني عليها غير شيٍ من كمدهاولا ستر فستانها الأبيض سوى حزنٍ يجيبه

وانت يا اللي من فرحك تضم يدك بوسط يدهاأشهد انك خذت مني وانت ما تدري ذهيبة

لو به انثى في حلاها مابه انثى في رغدهاما يشابهها بعيد ولا تحاليها قريبة

حسنها في حزنها شف كيف صار آمرّ وادهىعاد لو من قلبها تضحك تشوف اكبر مصيبة !

رح بها مادام ربي ساق لك ليّن جسدهاوانتبه تكفى على اغصانٍ من الرقة رطيبة

إن بغيت تمر مُر! بملحها والا شهدهاومن دفاها ! لا تقول القلب محرقني لهيبه !

إن حسدتك ما حسدتك غير في زمة نهدهاوان طلبتك ما طلبتك غير من زود الغليبة

اسألك بالله تكفى لا تقصّر عن سعدهاقد ما تقدر تهنيّها بلحظاتٍ عصيبة

وحاول انك قد ما تقدر تنسيّها نكدهادام كلٍ في حياته ما يجيه الا نصيبه

خذ معك نبضٍ يعيش بها وهو داخل بلدهاواعرف اني من بعدها صرت اعيش بلا حبيبة !!

عن القصيدة

«رساله له فقط» من شعر زايد الرويس، وتقع في ١١ بيتًا. وهي بالعامية.

التعليقات(٠)

سجّل الدخول لإضافة تعليق.