مدح القبيلة

اضغط على أي بيت لعرض معانيه وشرحه

ياهاجسي توها زانت بيوت النشيدمن بعد ما كانت ابواب الشعرموصدة

لاشك في مدح ربعي يستثار القصيدويغنّي الحرف وتراقص له المفردة

يقدح زناد القريحة بالقصيد الفريدوالشاعرية لبــــدع الشعر متوقدة

ون قلت في ربعي البشران شعراً جديدهزايل القول مرفوضة ومستبعدة

ربعي هل الصيت والمجدالعظيم التليدمجداً يحدّث به الوالد لولد اولده

ونحن هل الحرب لا قام النهار الشديدونحن هل الباس والنوماس والبوردة

من لابةً ذكرها بين القبـــــايل حميدتجف الاقلام لو تاريخها نسرده

رفرف لها بيرق الهيبة على كل حيديوم المطانيخ ببيات الحِداء منشدة

دعوى بني مالك اللي يحتمون الطريداللي تودّب خصيم الدار وتكبده

تشهد لنا القادسية والكلام الوكيدمثبوت في معجّم التاريخ ومجلده

اهل شجّــــاعة واهل فزعة وراياً سديدومـــــواقفاَ بيّنه للناس ومشوهدة

واعود لمداح ربعي صادقــــين الوعيدالعزوة اللي بفن الرمي متفردة

انحن رماح المنايا ممنين الشريدوافعالنا في رحاب المجد متجدده

والضيف يلقى تراحيباً تذيب الجليدودلال بناَ ومن تمر النبوت اجوده

يدري بنا اللي قريب ويدري اللي بعيدومدّونة سيـــــرة البشران ومجسدة

ولربعي اليوم في بنك المراجل رصيدولهم بعد في سجل المكرمات ارصدة

يتقدم اصفوفنا شيخاً وقـــــاره يزيداللي توشّح وشّاح الطيب وتقلده

هذاك ابو سامي الرمز الحكيم الرشيدونحن رجاله وفي وقت الطلب نعضده

واليا دعتنا حكومتنا نضد الضديدلا صارت انفوس بعض الخلق مترددة

ولنا رجالاَ على حد الــــوطن ما تحيدامعسكرة في سبـــــيل الله ومجندة

اما انتصرنا ومات الرجل منا شهيدولا حكمــــنا ديار المعتدي وبلده

نقدر نواجه ونردع كل خصماً عنيدونصبّحه في ميادينه وفي مرقده

من عهد عبدالعزيز اللي بعهده نشيداللي بنّا موطن التوحيد وموحده

ونحن على العهد والميثاق عود وليدوبلادنا حبها في داخل الاوردة

واقول في تالي ابياتي واكرر واعيديوم البلابل براس النايف امغردة

لاشك في مدح ربعي يستثار القصيدويغنّي الحرف وتراقص له المفردة

عن القصيدة

«مدح القبيلة» من شعر جندب المالكي، وتقع في ٢٦ بيتًا. وهي بالعامية، وغرضها المدح.

التعليقات(٠)

سجّل الدخول لإضافة تعليق.