لا تسألوني ليش اقول القوافي
اضغط على أي بيت لعرض معانيه وشرحه
لا تسألوني ليش اقول القوافيهذا السؤال اللي مااحبه، ولا ابيه
يكمن ورى نظم القوافي خوافيوراع الهوى ما كل موضوع يبديه
والحب موت احمر، وسم زعافيماله علاج ، ولا طبيب يداويه
يؤتي ثماره كل ما كان خافيواذا انكشف للناس ضاعت معانيه
واصبح حديث أهل النفوس الضعافيما احد يخلي صورته دون تشويه
وتذبل زهوره قبل وقت القطافيولا يجني الا الهم، والغم راعيه
يصير خاين عهد لو كان وافيوالناس بالبهتان، والزور ترميه
يجردونه من ثياب العفافيويقال فيه و فيه شيء ما هو فيه
ويصدر بحقه حكم دون اعترافيوتستأنف الجلسات من دون تنبيه
ومهما تظلم ما يشوف العوافيقاضيه يطعن في نزاهة محاميه
قضيته مصدر نزاع، و خلافيماله حقوق، و لا حكومات تحميه
مثل الغريب اللي بوسط الفيافييسير في دربه على غير توجيه
او مثل بحار تعدى المرافئوالموج الأزرق يرفعه، ثم يرخيه
هذي حقيقه ما عليها اختلافيحادث مؤكد،، غير ممكن تلافيه
وين المحب اللي حموله خفافييقضي حياته في سعاده وترفيه؟
و يا هل ترى المهزوم له شوط إضافي؟ أكيد : لا ، ما فيه عاقل يقول : ايه
وارجع واكرر في نهاية مطافيللي سألني : يوم اقول الشعر ليه؟
لا تسألوني ليش اقول القوافيهذا السؤال اللي ما احبه ولا ابيه
سالم منصور السواط::::::::::::
سمعت لي شعراً مكلف وضافياستيسرتني وادهشتني قوافيه
من شاعراً صاغه بشكل احترافييعجب جماهيره ويطرب محبيه
اتقول مرشد مسنداً للنصافيآليا قصد في ليلةً من لياليه
قاله بجواً شاعرياً وصافيجواً على بدع الطواريق يغريه
اختار من بنك البيوت اللطافيابيات شعراً من سمعها تسليه
وصّف لنا الموضوع وصفاً خرافيفي ذمتي مافيه وصفاً يضاهيه
يغرف من امحيط القصيد اغترافييومن كلاً ما قرب من شواطيه
لاجيت اجاري مفرداته بقافياشعر برهبة كلما جيت اجاريه
وانكان ماجاء الرد كافي وشافيما ودك الشاعر على الناس يلقيه
وأقول ياراعي البيوت الظرافيلعل ما تفقد وليفك وتبكيه
والحب اذا جاوز حديث الاشافياصبح كلاماً معظم الناس تحكيه
واللي له المحبوب كاره وجافييصبر على جفوة وليفه وغاليه
وان شاف ضوء الحب خافت وطافييشعل شموعه في نهاره واماسيه
قدام خفّاقه يجيه ارتجافيمن هجر محبوباً فواده مهاويه
والصب لو يمشي على الشوك حافيمن شان مضنونه تحمّل مواطيه
والود من جانب فقط غير كافيونهايته توصل لدوامة التيه
مثل الكتاب اللي بليا غلافيتقرا بمتنه ما يعارض حواشيه
واللي بدا بالسعي قبل الطوافييصبر على تانيب شيخه ومفتيه
وآخر كلامي يالشجيع السنافياسلم ودمت ولك من الورد بوكيه
جندب المالكي::::::::::::
جو القوافي صار صافي ودافيتعالت أنغام الفرح في مغانيه
اقبل يزغرد في ثياب الزفافيوبدون ما اشعر قلت: ياهيه، ياهيه!
رجعت له مشتاق بعد انصرافياستدرك الموضوع واضيف تنويه
للشاعر اللي لا انطلق ما يخافييطير، واسراب القوافي تباريه
وان قال : صفي لي، تصف اصطفافيوتقول دون شروط : لبيه، لبيه
وليا حضر في المهرجان الثقافيقامت جماهير المحافل تحييه
شعره يذكرني بعصر الرصافييوم الأدب يرفل بكامل تعافيه
جزل المعاني يكتشفها اكتشافيويلعب عليها باستثاره، وتمويه
كنه مهاجم في بطولة (فيافي)يقودها نجم (البرازيل) (بيليه)
في السوق سهمه مثل سهم المصافييوم المؤشر كان واصل لعاليه
والحب فيروس القلوب الرهافيوالفطن يا جندب هو اللي يخبيه
وترى انكشافه ماهو اي انكشافيوالصب لو يخفيه ما عاد يمديه
تصبح علومه بين مثبت ونافيو سهوم خلق الله تصيبه وتخطيه
في كل مجموعه مراسل صحافياما يجيب العلم ولا يوديه
ونهر المحبه يعتريه الجفافيترحل عصافيره وتجدب نواحيه
وتبدا كوابيس السنين العجافيترقص على جرح المولع و تدميه
يسهر وغيره تالي الليل غافيويحس بالغربه وهو بين أهاليه
ماله على صكات بقعا مكافيكلاً مثل ما قيل : مافيه كافيه
الرابح اللي مهتني ومتعافيتجنب أسباب الغرام و دواعيه
وخصص لنفسه وقت للاعتكافيقبل الفجر ساجد لربه يناجيه
تم الكلام، و في ختامه تضافيمن كاتبه عذب التحيه لقاريه
سالم منصور السواط:::::::::::::
يعمير كيف البن ماهو بكافيبن اليمن ماهوب نسكاف كافيه
قم قهوني وان جاء من القوم لافيدير الدلال وكل مطنوخ قهويه
وزيد القبس بين الثلاث الاثافيوالنجر دقه لين الاحرار توحيه
منزلك لهل الطيب ريف ومضافيوالناس دايم تتجه له وتلفيه
لا تذبح الا من سمان الخرافيوالغالي افلح من يبعه ويشريه
واكثر من الترحيب وادن الصحافيواكرم ضيوف آبوك واكرم عوانيه
وآليا ارتشفت امن الدلال ارتشافيودي عليك اردد القاف وامليه
رداً على ابياتاً عذاب ونضافيمن شاعراً شعره عن الناس مخفيه
مخفي قصيداً راقياً ما يعافياتقول بستاناً تدنت نواميه
فيه السفرجل والعنب والجوافيوالخوخ والرمان داير حواليه
والتوت مزروعاً بكل الحوافييبغى الذي يقطف ثماره ويجنيه
لا خذت حوله جولةً والتفافيابهرني المنظر واطلت النظر فيه
شعراً تفوه به زعيم القوافيالشاعر اللي مالك الملك معطيه
مايبدع الا المحكمات الحصافيوامتاز بسلوبه وقوة تحديه
وفي الهوى ماهوب مسرف اسرافيوالسر والكتمان عادة معاليه
حافظ وداده عن حكي كل هافيومحال يتفوه بسره ويفشيه
من شان لا تذهب جهوده جزافيثم يشمت العاذل ويفرح معاديه
ذكرني ابوقتاً مضالي وطافيوقتاً تذوقنا مراره وحاليه
ايام كنت آقف واطيل الوقافيراس العسيراللي تعاوى ضواريه
اشكي غرام اموردات الشفافيالمكثرات امن العتب والمشاريه
احداهن اتلفني هواها تلافيمزيونةً سلم الهوى ما تدانيه
بنت المعاثير الغلاظ الجلافياللي لعطران الشوارب مكاريه
لو هو حلال النهب والاختطافيخطفتها والليل خاويت عاويه
قد في محبتها انجرفت انجرافيحتى دنا موتي وبانت مواريه
مرات قدامي ومرة خلافيوبكل سكة تعترضني دواهيه
وياما انذرف دمعي عليها انذرافيوابكي سواة اغليماً فاقد ابيه
عبر السنين الثايرات الصلافياللي تهد الجدّر واحيان تبنيه
تعصف عواصفها وتسفي السوافيوفي البحر قامت تزمجر عواتيه
ومن المواليف افتقدت المرافيواللي هوته النفس بين تجافيه
واللي يعاني من جراح التجافيبيموت والجرح الذي فيه يشكيه
ماينوجد طبه بكل المشافي(وبشمس) لو يبحث عنه ما يلاقيه
عينه ترا وتشوف مالا يشافيمن فورة اعصابه وكثرة طواريه
ماينطفي جمره بماي المطافيوحتى المحيط الاطلسلي مايطفيه
والمهتوي تصبح عضامه نحافيويعاف كل اللي يريده ويبغيه
يلقى بدربه لفةً وانعطافيوتزيد روحاته وتكثر مساريه
عبر الدروب الضيقات القصافياللي بها الرجال يلقى بلاويه
لوهو يكب الغي والاقترافينال الذي يسعد فواده ويرضيه
هو ماعليه الا يقول الكفافيوالله هو اللي وقتها سوف يهديه
الوقت يمضي والليالي مقافيوالعمر يربح من تدارك تواليه
وازكى تحيات القلوب الولافيتاصل لسالم في محله واراضيه
جندب المالكي
عن القصيدة
«لا تسألوني ليش اقول القوافي» من شعر جندب المالكي، وتقع في ١٠٢ بيتًا. وهي بالعامية، ورويّها حرف الياء.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.