اسمعوني يارجال الشعر الوكادي

اضغط على أي بيت لعرض معانيه وشرحه

أسمحوا لي يارجال الشعر والرمي الوكاديأن حفظتوها نصيحه وأن قبلتوها هديه

القصيد بوقتنا الحالي ظهر فيه الفساديواللبيب يتوه تفكيره ورى هذي وذيّه

كثروا الشعار واجد مثل عمدان الجراديوالقصايد واجده مثل النصوب العقربيه

اختلط حابل ونابل والبياض اصبح سواديوالبنادق بعضها ترمى على غير الرميّه

الله أكبر من هياط ومدح في بعض العباديأغلب الامداح مرسومه على قدر العطيه

المدايح بالدراهم شبه تحريج المزادييمدحون اللى مايسوى شسع وحده من حذيه

وأن بغيت الحق خلك عدل يمشي بالحياديوابتعد عن شلة أهل التفرقه والعنصريه

وانتبه تمدح بخيل الكف وتذّم الجواديليش تظلم ذمتك وتحسّب الذمّه بريه

والقصيد بدون معنى بندقٍ ماله زناديولاّ قول مثل الطهاره لاحصلت من غير نيّه

من يقول أن أعذب الشعر أكذبه يهدم مباديالكذب مذموم مايفلح ولا يكسب قضيه

خلّ مدحك قول حقّ ولو يقولون أنت عاديراح حاتم بالكرم ماعاد نلقى فيه زيّه

والتفاخر بالهياط وقول ذبّحنا الاعاديماذبحنا الابعضنا بعض واسرائيل حيّه

ونعم جدّك وجدي كانوا اسيوفٍ حداديلكن انسى وترك الماضي وعيش بواقعيه

ويش يفيد الفخر في فعلٍ مضى هات الجداديلا تظلي عند ذكراها تدقّ السمسميه

وان بليت بشاعرٍ مغرور للفتنه يناديينقل البندق ويرمي بالفشق صبح وعشيه

جيب له معنى مثيل النار من تحت الرماديلا يكلفك أعتذار ولا تسبب في أذيه

خلها تحت اللحاف ولا تزوّد فالعناديمن يكثّر فاللجج يفقد مقام ومقدريه

وخلّ في مبداك صدق وخل رميك في ركاديواتبع العاقل وليمنك جهلت فسوّ زيه

واللسان تخلي الرجال موثوق القياديحكمته ترفعك فوق وزلّته تنحي نحيه

والصلاة في الختام على محمد خير هاديالرسول المصطفى المبعوث هادي للبريه

حسن عامر آل عيسى

عن القصيدة

«اسمعوني يارجال الشعر الوكادي» من شعر حسن عامر آل عيسى، وتقع في ٢١ بيتًا. وهي بالعامية، ورويّها حرف الياء.

التعليقات(٠)

سجّل الدخول لإضافة تعليق.