أهـلاً عِـدَدْ مَا الهين زِرْفَال

أهـلاً عِـدَدْ مَا الهين زِرْفَال — والمـهـمَه الهِـن مِـسـتِـديـنـا

واعْـدَادْ يَـنْع الوَرْد والْهَالْ — واعْـدَادْ نَـشْـر اليـاسِـمـيـنـا

واعْـدَادْ دور الكـاس مِـنـهال — واعْــدَادْ أنْـس المـطـرِبِـيْـنَـا

أسـمَـعـك تَـطْـرِبـني بالاقْوَالْ — عَـنْ سَـاجـع البـلبـل غِـنـيـنا

لِعـقُـود لَي تَـزْرِي بـالاموال — أزرى بِهَــا وبــطــور ســيـنـا

عـيـد النظر واستَفرِغ البَال — واســمَــع نـصـيـحٍ لِكْ أمـيـنـا

الســدّ عِــنْـد الحَـاسِـدْ وْبَـال — أيـضـاً وعِـنْـد العـدو شـيـنـا

وافــطــن تــرى للإذن عِــذَّال — لَهـــجٍ ولا لِهْ مِهـــتِــويــنــا

لَيْـل الهـيـر جَـلّاب الاهْوَال — مِــنْ سِــنــدٍ وهِــنــدٍ وصــيـنـا

ولَيْــل الْوَصِـلْ جَـلّاب لشـمـال — مِــنْ سِــعــدٍ وعــيــدٍ ومــيـنـا

إنْ كَـانْ بِـكْ سِـكّـان الاطلال — بِــنْــشِــدّ لِهْ خــيـلٍ وهـيـنـا

وانْ كَـانْ سَـايِـحْ عَـنِهْ بِنسال — الإنــس والجـن اجـمـعـيـنـا

وانْ كَانْ ظبي الوطَن بِك عَال — بِـمّـا اشـتِهَـت نَـفْـسَه عَـلَيْـنَا

لَوْ هُــوْ طــلب لكّــيــن خَـيَّاـلْ — سِـتَّاـن قِـلْ لِهْ مِـنْ العـيـنا

لَوْ هُـوْ طـلب من داني اظلال — جــنــه بــذلنـا الجـنـتـيـنـا

لَوْ هُوْ طلب مِ السندس العَال — مِــنْ كِــلّ حِــلَّه لِهْ جِـبـيـنـا

زَجّ الحـواجـب دِعـج الانـجال — والخَـدّ دامـي الوَجـنِـتـيـنا

بُـوْ صـدْغٍ مْـطَـلمَـس بـالانفال — عَـنْ كـيـد عَـيْـن الحـاسدينا

إنْ قَــامْ خِــلتَه رِمْــح عَـسَّاـلْ — وان صـد كـالبـدر الحِـسِينا

إدْرَاه كــالعــطَّاــر لَي شَــالْ — عِــطـرَه ويَـمـشـي بـه هـويـنـا