يـا وَرق بَـسّـك مِـنْ التِّلَعْلِيع

يـا وَرق بَـسّـك مِـنْ التِّلَعْلِيع — هَــجْهَــجــت واكـثَـرت السـجـاعِ

لو كان بِك مِنْ الدَّهَر تَلسيع — اشَـــدّ مِـــنْ سَـــمّ الافـــاعــي

مـا نِـحـت ذا النـوح بتِوَيِّيع — واسـهَـرت خَلق الله يا ناعي

قَـالْ العـذر يالخضَر ما بيع — مــاقــع ثَــرك بـالفـيـن بـاعِ

يـالخَـضَـر فِـيْ كِـلّ المـواضيع — قــولك ثِــبَـت لَو مـا تـداعـي

بَه تِـنْـبِـنـى قـصـور ومَرافيع — وبَه يِــنْهِــدِم قَـصـر السّـبـاعِ

حُــوبـات لِهْ لوْ هُـمْ مِـدارِيـع — لَي مــا يــحــاتـون الدّواعـي

لَي مـا يـدارى مَـشْـيَه يـضـيع — يِــبــلى بْـزَلَق والّا بـهِـبـاعِ

وحَـمْـل الثِّقل فوق المرافيع — لابــــد مـــا يَـــرّث فـــشـــاعِ

والبـاب لَي مـا لِهْ مِـصَـاريع — لو تَـــزْلِيَه زَلْيِـــك ضِـــيـــاعِ

سِـر فِـىْ سِـعَـة نَـفْـس وتِـوَرِّيـع — لا تِــتــبَــع الشــطّ اتّــبــاعِ

ايـعَـرف مِـنْ ذاق التِّفـاجـيـع — انّ الهـــوى امـــرَه مـــطـــاعِ

ذَلّ الاكــاسِــر والتِّبــابـيـع — وأســد الفــيـانـي والضّـبـاعِ

يـوم الدجـا نـيـومه مطاليع — دِسْــت النــيــم لِمْــطِـلّ واعـي

واللّيـل سـاجـي زلفـه يـذيـع — شـرتـا الصـبـا بنجم الذراعِ

مِـنْ كِـثـر وَجـدى بـالمـتاليع — يـا عـاذلي لا اسمَع وَلا عِي

لو لَى عِــزا عـقـب التـودّيـع — مــا ضــاق بــي رَحــب اتّـسـاعِ

ابـكـي وقَـلبـي مِ المـواليـع — مِــــتــــوَلِّعْ بـــتَـــرف الذّراعِ

والوَيـه كـانـه بِـزغَـت تـضيع — شَــمــس الضـحـى ذات الشّـعـاعِ

وبَــرقٍ مِــخــيـلاتَه مـلامـيـع — نَــفْــنــوفٍ وشــيــله وجــنــاعِ

هــم زَوّدونــي فِــيْ التِّوَدّيــع — حَــنْــظَــل فـرد والصّـبـر صـاعِ

مـا يِـفـهَـم المـعـناي ويريع — إلا النــديــم اللّي يـراعـي

قُـم شِـدّ لَي زيـنـة تِـقـاطـيـع — شَــــمــــليــــلةٍ دَشّـــت ربـــاعِ

اسـنَـع مِـنْ الهـين المطابيع — واغــوى مِــنْ عــقــودٍ تــبــاعِ

لِمــــخَــــوِّده دون التِّودّيــــع — ولا مِـــشَـــت تَــحــت الرِّفــاعِ

ان بَــرّقَــت شَــبَّتــ مِـشـامـيـع — وان خِــطَــت خِـلت الأرض بـاعِ

انـصـى الوَلَد لَي بَه مِطاميع — لَي بــالشِّعــر والكَــرَم شــاعِ

واقـلط بـمَـنْـشُـور التّـرابيع — لَي بَه تــرى نِــصـف اجـتـمـاعِ

ادّ التــحــيّه بــالتِّواضــيــع — للصـاحِـبْ اللّي بـه انـتِـفـاعِ

يــعــيــش يـاقـوت المـزاريـع — يِـخـتـال فِـيْ خَـصـب المـراعـي

امــام مِــنْ نَــشَّوا مِــصـاليـع — بــالجــود والإحـسـان سـاعـي

بــالكَــرَم مِــتــوَلِّع تِــوَلّيــع — والبِـــخـــل مِــنْ رَبّــوه ضــاعِ

كَــم فَـك تَـرحـيـبـه مِـصـاويـع — بِـــســـمــاط وِمــقَــنَّد ســبــاعِ

لا زالت ايَّاــمــه مَــرابـيـع — وسـعـود لِهْ كـلهـا المـسـاعي

صــلاة ربــي يــا مِــســامـيـع — عَـلى أحـمـد ومِـنْ لِهْ اتـبـاعِ