يامحمد بن الذيب والله مظلوم

اضغط على أي بيت لعرض معانيه وشرحه

يا محمد بن الذيب والله مظلومحكم المؤبد قصّ فالشعر جيده

بين المحاكم والقضية على السوموالحكم جاير والقضية قصيده

ان قلت وان ما قلت واضح ومفهوملاهل العقول العارفة والرشيده

فوق الربيع اليعربي هلت غيوموالموت دون الحق ياطى وريده

والناس توّ الحين تصحي من النومكلٍ يبي ياخذ نصيبه وفيده

وانته تقول الحق والحق مرسومبين العقول الفاهمة والبليده

يوم انّ معيار الحقيقة على اللوموالزور معياره شجاع ووليده

وقتٍ كفانا الله شره من القوماللي على احراره تقدّم عبيده

وين الدمقراطية اللي لكم دومنادوا لها والراي فكر وعقيده

لا واخسارة شعر بالمدح موسوملو مات شيخ القوم قالوا فقيده

بعض العرب بالشعر وصّلته نجومواليوم وقت العوز غايب بريده

الشعر ما يرفع مهابيل ورخوموْلا نزّل اللي شبْحهم للبعيده

يالذيب تبقى ذيب لو صرت محكوموابالحصين يدوج في خضر بيده

والحرّ ما هاب الغرانيق والبومفي كل مرقابٍ يعشّيه صيده

لا شك تمسي بك وتصبح بك هموموالحكم ماضي فيك ظلمه وكيده

محدٍ ورى القضبان مرتاح لو يوميا جعل قاض الظلم تنشلّ إيده

محدٍ يلومك وانت قرمٍ من قرومللحق قلت ولاانْت هايب وعيده

كم من سجينٍ دونه شهود وختومبالظلم يوم العدل مقفول حيده

اليوم قول الحق والصدق مفطوموالكذب والباطل لهم درّ ديده

والفكر بين الناس والعقل موهوموالطيش صاحي والخفايف شديده

والوقت من بعض البشر صار منجوموالشر فوق الخير في يوم عيده

لا بد ما يظهر لك الحق وتقوملو زاد همّك والليالي عنيده

اصبر وربك يفرج لكل مهموملو قيدوه الناس ينفك قيده

عن القصيدة

«يامحمد بن الذيب والله مظلوم» من شعر عبدالعزيز الشاطري، وتقع في ٢٣ بيتًا. وهي بالعامية، ورويّها حرف الدال، وهي قصيدة دينية.

التعليقات(٠)

سجّل الدخول لإضافة تعليق.