صرف الحروف

اضغط على أي بيت لعرض معانيه وشرحه

قصايد الشاعر كلامٍ يدينهما بين جزل العلم والا رديّه

بحْدود دينه قال زينه وشينهالزين له حسنات والشين سيّه

واليا ظْهرت للناس تبقى رهينهللّي يقيس الصايبه والخطيّه

ان قال زين اقول خلك يمينهخاوه ترى دْروبٍه عزاز ونقيّه

وان كان ما ردّه عن الشين دينهخله ويلقى له مع الدرب زيّه

يا ماكْثر الشعار لا قيل وينهالشاعر الفارس نقز فوق ميّه

واليا بدا صرف الحروف الثمينهيظهر من المية ثلاثة غنيّه

واكثر من الشعار متْناقلينهواكْثرهم الغاوي يشجع خويّه

وْيا قلّهم لا قلت متْذوقينهوْيستاهلون لكل واحد تحيّه

كلٍّ على ما قيل عقله عوينهمن وين ما ودّاه يلقى حليّه

احد عيونه تصرفه للسمينهيتعب لها ما بين روحه وجيّه

واحد عن الهزلات ما ردّ عينهيفرح بها ويحطها له مطيّه

والشعر كله صيد يا قايلينهوالصيد له قناص وبوارديّه

اللي قريّب تمسكه له يدينهواللي بعيد تْجيبه البندقيّه

واللي من الثنتين يفلس غبينهيرجع على الجايد ليا فات نيّه

عن القصيدة

«صرف الحروف» من شعر عبدالعزيز الشاطري، وتقع في ١٥ بيتًا. وهي بالعامية، ورويّها حرف الياء.

التعليقات(٠)

سجّل الدخول لإضافة تعليق.