مديت كفي وكفيت مدي

اضغط على أي بيت لعرض معانيه وشرحه

مديــــت كفي والشعر مد كفهكف الجزاله والعطا والقــــواميس

وْكفيت مدي وايضا الشعر كفهان كان شعري ماهو للجيل تدريس

وان كان ما يطرب به الصم حرفهوان كان ما غنى به البكم ترويس

خاويت لي شاعر من الجن وصفهنمرود واذكى من العفـــــــاريت وابليس

واقوى من اللي للنبي قبل طرفهيرتد له حضر لهم عرش بلقيس

مقدام واللي دونها يشوف حتفهعيّد بها وعلق عليـــــها الفوانيس

واللي يْعصى له يخزمه رغم أنفهمْن القاف والا من الملوك الأطاليس

جني عزيز النفس مسلم ما لفهشيطــــان ولا مسه من ابليس تلبيس

ان جا يجي مشتــــاق سرعه وخفهوان روّح يشيـــــل الهمــــوم المتاعيس

تمشي ملوك الإنس والجن خلفهبالغطرسه ما هي وراثه وتاسيس

إما التقينا في جبل فوق طفهنطوي صخور الشعر طوي القراطيس

والا التقينا في بحر وسط نطفهنجمع لآلي الشعر فيها غواطيس

نطرق فنون الشعر قافه وصنفهحتى وصلنا للهــــوى والمجـــــاليس

يا شــــاعري للحب في الشعر وقفهوقّف وصوّر لي رهيــــف الأحاسيس

ليل ارتخى من هامته تحت كتفهخلف النهـــــار اللي صفا بالتضاريس

وْفصل الربيع اللي لي الوقت زفهخصٍ ليا لاحت بروق الغطاليس

وْخصٍ ليا سل السيـــــوف المصفهوطــــاحت ليا ثارت رماح النواعيس

منه النهــــار يفز لي حين يْخطفهليلٍ جفل والا حكت له نســـــانيس

والا انطوى الليل ونهاره يلفهاليا لعب لي والخـــــلايق منـــــاعيس

اعشق نهاره لو يجي يثني عطفهشمسه براد وما هي مثل الشواميس

وليله عشقني والقمر تم خسفهماحلى ظـــــلامه ليل هد العساعيس

يا من ملكت القلب نسمع ونسفهعذال وانته لا تجيـــــــــك الهواجيس

العشق عندي كـــــــــان ودك تْعرفهاقرب وشـــــوف النار بين المقاويس

واجلس تدف وحبك بيــــــــدك دفهوسط اللهب كان العشق من طرف قيس

العشق ياهل العشق ما يعطى نصفهواللي عطى نصفه حيــــــــــاته مفاليس

ياعشق من وفــــــــاك بالعشق وفهواللي بخل به عنك لاتقيس له قيس

يا شـــــاعري ماينقص اليوم وفهفالمقبــــــلات ان كان باقي مقــــابيس

عن القصيدة

«مديت كفي وكفيت مدي» من شعر عبدالعزيز الشاطري، وتقع في ٢٧ بيتًا. وهي بالعامية، ورويّها حرف السين.

التعليقات(٠)

سجّل الدخول لإضافة تعليق.