قد عطيتك
اضغط على أي بيت لعرض معانيه وشرحه
قد عطيتك وانت ماضنك لئيم .... والنصيحه لليالي تذكره
لاتحرك جرحي الماضي الاليم .... ولاتحسب ان طول بعدك طهره
كل جرح يهون يالجرح القديم .... وكل شي قد مضا معك اذكره
جرحي وذكراك والليل البهيم .... حزت فوادي بمثل المنشره
العذول غراب وانا اكبر غشيم .... والجروح الماء وطاريك حجره
والزمان اكرم من الحظ الكريم .... لانفتح لي باب صوبك سكره
وحبك اللي لاطرى لي رحت اهيم .... قمت احسب اصغر كلامك واكبره
ليتني عاد الهوا توه فطيم .... انعذلت لعاذلي بس خيره
مالقيت من الوفاء يااول نديم .... كون صدق الحزن وجهه وظهره
عقب رمح الشوق في وجه الصميم .... سيف هجرك في قفاه وشف ثره
وانت شكلك تحسبني في نعيم .... لني اخبي صوابي واستره
لايغرك حلم رجال حليم .... مهون اللي من سكوته فجره
ولاتحسب الجفن من دمعه عقيم .... يستحي منك والى اقفيت انثره
ولايغرك وان بدا جسمي سليم .... والله ان جسمي سوار المقبره
والله ان امر من ضحك الغريم .... شوف حقي بين اياديه اشكره
والله ان احر من دمع اليتيم .... دمعة الرجال من فرقا مره
عن القصيدة
«قد عطيتك» من شعر محمد بن فطيس المري، من العصر الحديث، وتقع في ١٦ بيتًا. وهي بالعامية، ورويّها حرف الراء.
التعليقات(٠)
سجّل الدخول لإضافة تعليق.