سلة أوجاعي

اضغط على أي بيت لعرض معانيه وشرحه

وجع حب وجع شعر وجع شوق وجع ضيقةعلى كيفك وهاك اختار هذي سلة أوجاعي

غلا واسمع نزيف الجرح كلام الصمت ما طيقهانا محتاج أسولف لك عن أول وآخر أوضاعي

وابد لا يجرحك صوتي حياة الطير تحليقهعليك الله يصير الكون والمسباق والداعي

أنا أصدق طير بالدنيا عشق حتى مسابيقهولكني بديت أذكر معاك أيام مرباعي

تعال أفتح كفوفك حلم.. وأموت بيوم تحقيقهتعال أرسم بحور الشعر..وكسر لو تبي شراعي

تعبت أفتش بدفتر وأحس بحزن تطبيقهدخيلك غمض عيوني وخل الشوق لصباعي

أبي غيم سرق ربعي ودللهم بتشريقهأكون أول بشر مجنون تزوره بالعطش قاعي

حتى لو وهم تكفى أبي أتوهم بتصديقهأبي ذات أبي مولد يوازي صرخة الناعي

أحس بداخلي عالم حرام أكتم مخاليقهحرام أسكت وأنا صوتي نذر وجهه لاتباعي

يا أول قلب يبكيني وتبكيني مواثيقهأنا اطباعي ما هي زينه بس هذي اطباعي

تغرب بي قوافل موت اقول العمر تشريقهأعيش بشبه غيبوبه وأعرف ان الزمن واعي

أكمل لك وجع خوف ووجع فقر ووجع ضيقةوعلى كيفك ترتبني حلالك بالغلا أوجاعي

عن القصيدة

«سلة أوجاعي» من شعر سليمان المانع، وتقع في ١٢ بيتًا. وهي بالعامية، ورويّها حرف العين.

التعليقات(٠)

سجّل الدخول لإضافة تعليق.