شرح وكتاب

اضغط على أي بيت لعرض معانيه وشرحه

ماكل مجلس تجتمع فيه الأشنابوتنساق به دلّه قبل خاثر الشاي

يجذبني ويجذب عريبين الأنساببعض المجالس شمْت عنها بمسراي

الله رفعني عن دنافيس وأذنابكلّي قيَم كلّي مواثيق مبداي

الفرق واضح مايبي شرح وكتابوش يجبر عقالي على خوّة حذاي

والله يكرّم سامعيني والأصحابما قلتها إلاّ منفعل واصل أقصاي

أزعجني اللي شفت من طقّة أجنابومن صاحبٍ كنت أحْسبه مثل يمناي

شيهانتي يا شينها صارت غرابوعقب الهجيني قمت أنا آجاوب الناي

ومن بعدها لا والله إلاّ اقضب البابولا تشوفك عيوني ولا تتبع خْطاي

الوضع ما يقبل ملامه ولا عتاببعض المواقف ما تبي فزعة الراي

بالإكس نشطب ما ضربنا لك حسابلا تقول وش دعوَه ولا تقول إزّاي

أعمل لك ايه إليا الردى منكم انسابوفرقى جحا أكبر غنيمه بدنياي

وهاك النصيحه قبل تقفيل الأبوابوالعالم الله عن خَفَى وقتنا الجاي

البسمه اللي خلفها السم والنابحاسب تغرّك يوم لله مشكاي

كم من غريرٍ طاح ويقول منصابيلعن صداقه شمّتت فيني اعداي

واللي تمهزا بالنصايح ولا تابناديت والذمّه بريّه لمولاي

في مجلسك ما عاد ينفعك ترحابلا تضبط الدلّه ولا تضبط الشاي

عن القصيدة

«شرح وكتاب» من شعر محمد الدبيسي، وتقع في ١٦ بيتًا. وهي بالعامية.

التعليقات(٠)

سجّل الدخول لإضافة تعليق.