مسافات السهر

اضغط على أي بيت لعرض معانيه وشرحه

تشعل ملامح غربتي شمعت فراقوألقى مسافات السهر تحتريني

وأركن من اللوعه تعابير مشتاقوأمدّ لأصفاد المنايا يديني

هنا الألم كوّن مدارات وآفاقوزحزح عن القَمرا أماسي حنيني

من سبّته حلمي بُحيره بالأحداقماها حكايه عن أساي وأنيني

يالله تهوّن ما بقى كلّ ما فاقطفلٍ بكى من لوعتَه يشتكيني

الصبر: درب اللي حَمَل فوق ما طاقأدعي عسى المولى عليه يْهَديني

حتى ولو كلّه معاثير وارهاقيمكن بعد طول العنى يحتويني

والشوق: نور استوطن عيون عشّاقوأنا العَتَم سيّد ضيا مقلتيني

ما عادني مشتاق .. وان كنت توّاقلأروع محطّات العمر من سنيني

دام الزمن مالي معه دافي عناقولا عاد به سكّة لقى تهتديني

بانسى القصايد في دفَى جوف الأوراقوأنا مسافات السهر تحتريني

عن القصيدة

«مسافات السهر» من شعر محمد الدبيسي، وتقع في ١١ بيتًا. وهي بالعامية، ورويّها حرف النون.

التعليقات(٠)

سجّل الدخول لإضافة تعليق.