انطيني من وقتك ثواني

اضغط على أي بيت لعرض معانيه وشرحه

انطيني من وقتك ثوانيما أكلك آني وآني

شاعر من أهل العراقعربي وأصلي عدناني

قريشي ومن نسل قحطانلا تركي ولا مدغوش بأفغاني

لك الزمان ابيوم ذر الناسالزمان عليك ذرّاني

وأخذ يردف علي ضرباته باليافوخلحد ما حيل خَوّاني

لكن بي طبع ما طيحروح اسأل عليّ واشهودي عدواني

مو انسان يحجي وياكجرح يمشي عله طوله وشمعه بصواني

ما عندي لجوء ايجتف الانسانولا مربوط بلساني

وك استاتس عندي من عمانوسياسي... كوفي اعنان سمّاني

عراقي آنيمن زاخو لعد الفاو عنواني

دجله أمي....وأبوي اسمه الفراتوليلي مرجاني

عمت عين الزمان اشلون ذَبّانيولو حز ابضميري الجوع

بس ما غير ألوانيإيخسه التاريخ إذا مو باول أحروفه

يحط اسم العراق ويشطب الثانيعراقي آني البكلبي على الساني

آنه الماصحت يوم أحاهوعلى امتوني تكطع صوت سجاني

وأظن ما قصريت أوياهأخويه الجان ينخاني

يِأَشِّر بيده من ابعيدجديم الكوم يلكاني

عطش مره... شلت نهر الفرات وجيتوشفت دجله على الجولان يتناني

عراقي آنهواليبيعن سكاير على الرصيف اليوم نسواني

والماتوا بحسرة علبة حليب اطفالهذوله أطفال خُوّاني

ما آغَنّي بعد بلاد العرب أوطانيمن الشام لبغدانِ

ومن نجد الى يمنٍالى مصر فتطوانِ

عراقي آنيولو تعرفني كل الناس بس أعطيك برهاني

من داروا عليّ عرب آخر زمان وحتى جيرانيما هزوا وحك عيناك

شعره من شعرات وجدانيعراقي آني

عن القصيدة

«انطيني من وقتك ثواني» من شعر عباس جيجان، وتقع في ٢٥ بيتًا. وهي بالعامية، ورويّها حرف النون.

التعليقات(٠)

سجّل الدخول لإضافة تعليق.