مهوب إنت المريض .. إنت الشفا
اضغط على أي بيت لعرض معانيه وشرحه
هلا بك .. هي هلا اللي قالها الصايم ليوم العيدهلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيدليوسف يوم عاد..و عاد شوفه.. و أنكف الغادي
هلا بك .. كثر ما أمّنت خايف .. أو رعبت مكيدهلا بك يا عدو همومنا .. وهلال الأعيادي
تصاغرت الهلا .. من كبر قدرك .. و اعذر الترديدلأنك شامخ مثل الجبل .. له بالصدى حادي
حسدت الشعر .. يوم إنه طليق لك .. و أنا في قيدوجبته يوم جاك .. و شفت فيه مراة حسادي
مهوب إنت المريض .. إنت الشفا .. يا قريّبٍ و بعيدوانا أقول المريض اللي .. فقد طلّتك فبلادي
سلمت إنت .. و سلمنا من سلاماتك عن التنكيدأهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسر ومريدغديت الشمس وقلوب الخلايق زهر عبّادي
عليك نخاف منك .. إلى رقدنا و إنت في تسهيدتقل من كثر حب الخير .. صرت لنفسك معادي
تطلّبك المرض نفسك .. و قلت أبشر بلا تحديدفلا والله أرد اللي طلبني .. لو يبي زادي
هذاك إنت الضليل الضافي الوافي مناة الغيدهذاك إنت الكبير المنور المنثور بالكادي
هذاك إنت الأصيل الماجد الناجد سليل الصيدهذاك إنت الرفيع المشرق البراق والهادي
هذاك إنت الوفي العارف الوارف ربيع البيدهذاك إنت العظيم الشامخ اللّي فوق الأشهادي
هلا بك .. و القدر بالصدر .. لا عجز القصيد يصيدقصيدٍ لا درى إنّه فيك .. سمى شارده عادي
عن القصيدة
«مهوب إنت المريض .. إنت الشفا» من شعر طلال الرشيد، وتقع في ١٤ بيتًا. وهي بالعامية، ورويّها حرف الدال.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.